जेलरोड पोलीस ठाण्याच्या डीबी पथकाने अटक केली. त्यांच्याकडून १ लाख १७ हजार रुपयांचा मुद्देमाल जप्त करण्यात आला. मंगळवारी जेलरोड पोलिसांकडून ही माहिती देण्यात आली. जेलरोड पोलीस ठाण्याच्या हद्दीतून वेगवेगळ्या ठिकाणाहून बाईक चोरीला गेल्याची तक्रार नागेश चिलवेरी (रा. गुरुदेव नगर, सोलापूर) व म. गौस अब्दुल रजाक शेख (रा. विडी घरकूल, सोलापूर) यांनी पोलीस ठाण्यात नोंदलेल्या होत्या. याशिवाय ८२ हजार ५०० रुपयांचा आयफोन चोरीला गेल्याबद्दल महेश नागेश कैंची (रा. जुना विडी घरकूल, सोलापूर) यांनी नोंदली होती.
या गुन्ह्याच्या अनुषंगाने डीबी पथकाने खबऱ्याच्या माहितीनुसार शोध घेऊन वसीम इब्राहिम अत्तार (वय २९, रा. संजय गांधीनगर, विजापूर रोड, सोलापूर) व आकाश सिद्राम लिंबाळे (वय- २८, रा. गुल्लापल्ली झोपडपट्टी, रविवार पेठ, सोलापूर) यांना अटक करुन त्यांच्याकडून १ लाख १७ हजार रुपयांचा मुद्देमाल जप्त केला. ही कारवाई वरिष्ठ पोलीस निरीक्षक मोगल यांच्या मार्गदर्शनाखाली सपोनि निलेश पाटील- सोनवणे, हवालदार शेख, धुमाळ, कनगिरी, गंगावणे, माने, बाबर, बागलकोटे, गायकवाड यांनी केली.