कामती : मोहोळ तालुक्यातील कामती बु चौकातील जुन्या पोलीस स्टेशनसमोर ट्रक उलटला आहे. या अपघातात कोणतीही जीवितहानी झाली नाही. वाहन क्रमांक टीएन २८ एएफ ९६८९ असून चालक सुरक्षित आहे. पोलीस ठाण्यासमोर लावलेल्या वाहनांचे मोठे नुकसान झाले आहे.
पोलीस स्टेशन नवीन जागेवर गेल्याने मोठा अनर्थ टळला असून अगदी पोलीस ठाण्याच्या समोर हे वाहन उलटले आहे. वळणामुळे चाकाचा वाहनावरील ताबा निसटल्याने अपघात घडला आहे. पोलीस ठाण्यातील तीन चाकी प्रवाशी टमटम, पिकअपचे मोठ्या प्रमाणात नुकसान झाले आहे. पोलीस प्रशासन घटनास्थळी दाखल झाले आहे.
विजयपूर-मोहोळ हा राष्ट्रीय महामार्ग आहे.यामुळे या रस्त्यावर वाहनांची वर्दळ असते.वाहनांनी कामतीमध्ये प्रवेश केल्यावर महामार्गावर गतिरोधक नसल्याने अपघाताला निमंत्रण मिळते. स्थानिक लोकांकडून या रस्त्यावर गतिरोधक करण्याची मागणी होत आहे.