- रुपेश हेळवेसोलापूर - गेल्या अनेक दिवसापासून रेल्वेचे वेळापत्रक कोलमडले चित्र पहायला मिळत आहे. याचा फटका प्रवाशांना बसत आहे. बुधवारीही सकाळी निघालेली हुतात्मा एक्सप्रेसचे इंजिनमध्ये बिघाड झाल्याने जवळपास दीड तास ही गाडी जिंती येथे थांबलेली होती. यामुळे प्रवाशांची मोठी गोची झाली.
नेहमीप्रमाणे सुटणारी हुतात्मा एक्सप्रेस बुधवार सकाळी ६ वाजून ३० मिनिटांनी सोलापुरातून निघाली. ही गाडी जिंती येथे जाताच पुन्हा या गाडीच्या इंजिनमध्ये खराबी झाली. यामुळे जवळपास दीड ते दोन तास गाडी तेथेच थांबली होती. आठवड्यातच दूसर्यांदा पुन्हा गाडीचे इंजिन खराब झाल्याची घटना घडली आहे. यामुळे प्रवाशांमधून चीड व्यक्त करण्यात येत आहे. याकडे लोकप्रतिनिधींनी विशेष लक्ष देण्याची गरज असल्याचे मत नागरिकांमधून व्यक्त केले जात आहे.