व्यवसाय शिक्षण व प्रशिक्षण संचालनालय यांच्या वतीने प्रवेश प्रक्रिया जाहीर करण्यात आली आहे़ यात सोलापुरातील मुलांच्या आयटीआयमध्ये असलेल्या ८६४ जागांपैकी पहिल्या फेरीत १५० जागा नाकारण्यात आल्या़ उर्वरित ७१४ जागांपैकी आरक्षणानुसार ५९३ मुलांचे अलॉटमेंट झाले आहे. सोलापुरात एकूण २५ ट्रेड आहेत़ त्यानंतर ११ डिसेंबर रोजी तिसरी फेरी जाहीर करण्यात येणार असून, त्यात नावे आलेल्या विद्यार्थ्यांना १२ ते १५ डिसेंबरदरम्यान प्रवेश घेता येणार आहे. रविवारीही विद्यार्थ्यांना प्रवेश घेता येणार आहे.
सोलापुरात वायरमन, जोडारी, इलेक्ट्राॅनिक मेकॅनिक, वीजतंत्री, डिझेल मेकॅनिक या ट्रेडसाठी जास्त स्पर्धा असून, या अभ्यासक्रमाच्या प्रवेशासाठी जास्त अर्ज प्राप्त झालेले आहेत. यामुळे जास्तीत जास्त विद्यार्थ्यांनी आपले प्रवेश निश्चित करावेत, असे आवाहन प्राचार्य सुरेंद्र शिंदे यांनी केले आहे.