सोलापूर : दक्षिण पश्चिम रेल्वेतील हुबळी विभागात गुलेगुड्डा - बागलकोट सेक्शन दरम्यान एनआय आणि ट्रॅफिक ब्लॉकच्या कामाकरिता मध्य रेल्वे प्रशासनाने ट्रॉफिक ब्लॉक घेतला आहे. हा ब्लॉक २६, २७ व २८ डिसेंबर २०२३ पर्यंत असणार आहे. या दरम्यान, सोलापूर विभागातून धावणाऱ्या आठ रेल्वे गाड्या २६ ते २९ डिसेंबर २०२३ पर्यंत रद्द करण्यात आल्याचे रेल्वे प्रशासनाने सांगितले.
गुलेगुड्डा - बागलकोट सेक्शन (१३ किमी) दुहेरीकरणाचे काम सुरू करण्याचे नियोजित आहे. दरम्यान १९ डिसेंबर २०२३, २६ डिसेंबर रोजी साई नगर शिर्डी- मैसूर एक्स्प्रेस ही व्हाया होटगी, कलबुर्गी, वाडी, गुंतकल मार्गे धावणार आहे. तर २८ डिसेंबर २०२३ रोजी विजापूर- यशवंतपूर एक्स्प्रेस ही विजापूर रेल्वे स्थानकावरून आपल्या निर्धारित वेळेपेक्षा ६० मिनिटे ३० मिनिटे उशिरा सुटणार आहे. तरी प्रवाशांनी रद्द व गाड्यांच्या वेळेत झालेल्या बदलांची माहिती घेऊनच प्रवास करावा असे आवाहन रेल्वे प्रशासनाने केले आहे. सध्या हिवाळ्याचे दिवस असून पर्यटनासाठी लोक मोठया प्रमाणात रेल्वेने प्रवास करीत आहेत. एक्सप्रेस, मेल व वंदे भारत गाड्यांचे तिकिट वेटिंग मिळत आहे.
रद्द करण्यात आलेल्या गाड्यांची नावे
* हुबळी-बिजापूर एक्स्प्रेस रद्द- बिजापूर-हुबळी एक्स्प्रेस रद्द
* धारवाड - सोलापूर एक्स्प्रेस रद्द
* सोलापूर- हुबळी एक्स्प्रेस रद्द
* सोलापूर- होसपेठ एक्स्प्रेस रद्द
* होसपेठ -सोलापूर एक्स्प्रेस रद्द
* हुबळी-बिजापूर एक्स्प्रेस रद्द
* बिजापूर-हुबळी एक्स्प्रेस रद्द