मंगळवेढा : एका शेळीनं ६ पाय असणाऱ्या पिल्लाला जन्म दिल्याची घटना समोर आली आहे. या शेळीच्या पिल्लाचे फोटो सध्या सोशल मीडियात वेगानं व्हायरल होतं असून अनेकांनी आश्चर्य व्यक्त केलं आहे.
आंधळगाव ( ता मंगळवेढा) धरणवाडी येथे ४ ऑक्टोबर रोजी दुपारी १२ वाजता भीमा शिंगाडे यांच्या शेळीनं या अद्भूत पिल्लाला जन्म दिला आहे.सध्या त्याच्या पायात जास्त त्राण नाही. शेळीनं सहा पायाच्या पिल्लाला जन्म दिल्याची माहिती गावात वाऱ्याच्या वेगात पसरली होती. यानंतर गावातील अनेकांनी शेळीच्या पिल्लाला पाहण्यासाठी शिंगाडे यांच्या घरी गर्दी केली होती..सहा पायांच्या पिल्लाला शेळीनं जन्म दिल्याची घटना मी पहिल्यांदाच पाहत आहे. याचं मलाही आश्चर्य वाटत आहेत. शेळीचं दुसरं पिल्लू आणि शेळी दोघंही सुखरुप आहेत असे शेतकरी भीमा शिंगाडे यांनी सांगितले.