विलास जळकोटकर
सोलापूर : सध्या सर्वत्रच लोकसभा निवडणुकीसाठी प्रचाराचा धुराळा चांगलाच उडू लागला आहे. अनेक ठिकाणी बंडखोरी करुन अपक्ष निवडणूक लढवणाºया उमेदवाराचा फटका विजयाच्या दृष्टिक्षेपात असणाºया उमेदवाला मिळालेला आहे. सोलापूर जिल्ह्यात मात्र गत दोन पंचवार्षिक निवडणुकीत अपक्षांची दुसºया क्रमांकावरील उमेदवाराला मिळालेली नाही हे आकडेवारीवरुन स्पष्ट होते. २००४ च्या निवडणुकीत मात्र अपक्षांमुळे काँग्रेसच्या उज्ज्वला शिंदे यांना फटका बसला. भाजपच्या सुभाष देशमुखांना विजयाच्या रुपाने लॉटरी लागली.
२००९ च्या सोलापूर लोकसभा मतदारसंघात भाजप आणि काँग्रेसच्या उमेदवारामध्ये चुरशीची लढत होऊन काँग्रेसचे सुशीलकुमार शिंदे ९९,६१२ मतांच्या फरकाने विजयी झाले. त्यांचे निकटचे प्रतिस्पर्धी भाजपचे शरद बनसोडे हे २,८७,८७० मतांनी पराभूत झाले. या निवडणुकीत ७ अपक्ष रिंगणात होते. या सर्वांना मिळून २७,९७६ मते मिळाली. ही आकडेवारी विजयाच्या मार्जिनमध्ये जमा केली तरी इथे अपक्ष डोकेदुखी ठरले नसल्याचेच स्पष्ट होते.
गत २०१४ च्या लोकसभा निवडणुकीवर दृष्टिक्षेप टाकला तरीही असेच चित्र दिसते. त्यावेळीही काँग्रेसकडून सुशीलकुमार शिंदे आणि भाजपकडून शरद बनसोडे यांचीच उमेदवारी होती. या निवडणुकीत भाजपचे बनसोडे १,४९,३८१ मताधिक्याने विजयी झाले. यावेळी १० अपक्ष रिंगणात होते. त्यांना मिळालेल्या मतांची बेरीज केवळ १९,१८० होती म्हणजे ही मते पराभूत उमेदवाराच्या खात्यात टाकूनही विजयाचे समीकरण जुळले नसते.
२००४ च्या निवडणुकीत उमेदवार कमी तसे अपक्षांची संख्या केवळ २ असतानाही त्यांनी मिळवलेली ११ हजार ७६० मते काँग्रेसच्या उज्ज्वला शिंदे यांना डोईजड ठरले. भाजपचे सुभाष देशमुख यांचा निसटता विजय झाला अशीच मतदानाची आकडेवारी सांगते.
२००४ मध्ये अपक्षांचा करिश्मा- सन २००४ च्या लोकसभा निवडणुकीत मात्र अपक्षांचा करिश्मा चालल्याचे दिसते. इथे काँग्रेसच्या उज्ज्वला शिंदे यांना अपक्ष उमेदवार डोकेदुखी ठरले. यावेळी एकूण सहा जण रिंगणामध्ये होते. त्या दोन अपक्षांना मिळालेल्या मतांची बेरीज ११,७६० होते. भाजपचे सुभाष देशमुख यांनी ३,१६,१८८ मते मिळवून विजयी झाले. निकटच्या काँग्रेसच्या उज्ज्वला शिंदे यांना ३१०३९० मते मिळाली. त्यांना केवळ ५,७९८ मतांनी पराभव चाखावा लागला. इथे अपक्षांची उमेदवारी विजयाला अडसर ठरल्याचा इतिहास सोलापूरकर जाणून आहेत.