सोलापूर : आषाढी एकादशीच्या शासकीय पूजेचा मान यंदा अनिल गंगाधर जाधव (वय ३७) आणि वर्षा अनिल जाधव ( वय ३५) या दांपत्याला मिळाला आहे. हिंगोली तालुक्यातील भगवंती कडोळी ( ता. शेणगाव) येथील हे वारकरी आहेत.
गेल्या चार वर्षापासून हे दाम्पत्य माउलींच्या पायी वारी करतात. दहावीपर्यंतचे शिक्षण झालेल्या या दांपत्याला मुलगा आणि दोन मुली असून विठ्ठलाची वारी ते दरवर्षी मुलाला वा मुलीला घेउन करतात.