सोलापूर : पुण्यश्लोक अहिल्यादेवी होळकर सोलापूर विद्यापीठाच्या प्रथम व द्वितीय तसेच तृतीय ते पाचव्या वर्षापर्यंतच्या विविध अभ्यासक्रमांसाठी परीक्षा फॉर्म भरण्याकरिता मुदतवाढ देण्यात आल्याची माहिती परीक्षा व मूल्यमापन मंडळाचे संचालक डॉ. शिवकुमार गणपूर यांनी दिली.
सर्व अभ्यासक्रमांच्या प्रथम व द्वितीय वर्षांच्या विद्यार्थ्यांकरिता महाविद्यालयात व पदव्युत्तर अधिविभागांमध्ये २४ डिसेंबरपर्यंत विनाविलंब शुल्क फॉर्म भरता येणार आहे. ३१ डिसेंबरपर्यंत विलंब शुल्कासहीत फॉर्म भरण्याची सोय विद्यार्थ्यांकरिता आहे. तसेच इतर सर्व अभ्यासक्रमांच्या तृतीय ते पाचव्या वर्षांच्या विद्यार्थ्यांकरिता २ जानेवारी २०२३ पर्यंत विनाविलंब परीक्षा अर्ज महाविद्यालय अधिविभागांमध्ये भरता येणार असल्याची माहिती परीक्षा व मूल्यमापन मंडळाचे संचालक डॉ. गणपूर यांनी दिली. विद्यार्थ्यांच्या सोयीसाठी कुलगुरू डॉ. मृणालिनी फडणवीस यांनी हा निर्णय घेतल्याचेही त्यांनी यावेळी सांगितले.