सोलापूर - दक्षिण सोलापूर तालुक्यातील मंद्रुपजवळ डंपर व दुचाकीचा अपघात झाला. या अपघातात दोन युवक जागीच ठार तर एक जण गंभीर जखमी झाल्याची घटना मंगळवारी सायंकाळी पाचच्या सुमारास घडली.
चडचणहून सोलापूरकडे येत असलेल्या दुचाकीला मंद्रुप-माळकवठे रस्त्यावर डंपरने जोराची धडक दिली, या धडकेत दोघा युवकांचा जागीच मृत्यू झाला. या अपघाताची माहिती मिळताच मंद्रुप पोलीस ठाण्याचे पोलीस अधिकारी व कर्मचारी घटनास्थळावर दाखल झाले आहेत.