विठ्ठल रुक्मिणी मंदिर समितीच्या अध्यक्षपदाचा अतुल भोसले यांनी दिला राजीनामा

अतुल भोसले हे दक्षिण कराडमधून विधानसभेची निवडणूक लढवित आहेत.

ठळक मुद्दे- अतुल भोसले हे दक्षिण कराडमधून विधानसभेची निवडणूक लढवित आहेत- निवडणुक होईपर्यंत मंदिर समितीचे कामकाज ह़भ़प गहिनीनाथ महाराज औसेकर पाहणार- अतुल भोसले यांनी घेतले विठ्ठलाचे दर्शन

पंढरपूर : श्री विठ्ठल रुक्मिणी मंदिर समितीचे अध्यक्ष अतुल भोसले यांनी त्यांचा अध्यक्षपदाचा राजीनामा विधी व न्याय खात्याकडे ३० सप्टेंबर २०१९ रोजी दिला आहे. 

श्री विठ्ठल-रुक्मिणी मंदिर समितीचे अध्यक्ष डॉ. अतुल भोसले हे दक्षिण कराड मधून विधानसभेची निवडणूक लढवत असल्याने त्यांनी विठ्ठल रुक्मिणी मंदिर समिती अध्यक्षपदाचा राजीनामा दिला आहे. यामुळे विधानसभेची निवडणूक होईपर्यंत मंदिर समितीचे कामकाज मंदिर समितीचे सहअध्यक्ष ह.भ.प. गहिनीनाथ महाराज औसेकर हे पाहणार आहेत. बुधवारी अतुल भोसले यांनी विठ्ठलाचे दर्शन घेऊन विधानसभेची उमेदवारी अर्ज विठ्ठलचरणी ठेऊन दर्शन घेतले.

श्री विठ्ठल-रुक्मिणी मंदिर समितीचे अध्यक्ष डॉ. अतुल भोसले हे कराड दक्षिण मधून विधानसभे चा उमेदवारी अर्ज गुरुवारी भरणार आहेत. त्यामुळे त्यांनी बुधवारी श्री विठ्ठल रुक्मिणी चरणी उमेदवारी अर्ज ठेवून विठ्ठलाचा आशीर्वाद घेतला.