- अरुण बारसकरलोकमत न्यूज नेटवर्कसोलापूर : बनावट विमामाफियांच्या दबावामुळे तपासणीत येणारे अडथळे पार करीत कृषी खाते धाडसाने फळपिकांची तपासणी करीत आहे. राज्यात आतापर्यंत फळबागा नसताना विमा भरलेली ३,४०४ बनावट प्रकरणे आढळून आली आहेत.
अंबिया बहार फळपिकांचा बनावट शेतकऱ्यांकडून भाडेकरार जमीन दाखवून, तसेच फळपीक नसताना विमा उतरल्याचे ‘लोकमत’ने उघडकीस आणले होते. कृषी खात्याकडून याची गंभीर दखल घेत केंद्र सरकारला पत्र दिले होते. राज्याचे कृषी आयुक्त सुनील चव्हाण यांनी या प्रकरणाची संपूर्ण तपासणीचे आदेश दिले असतानाच, केंद्रीय कृषी सचिवांनीही राज्याला तपासणीचे पत्र दिले होते. राज्यभरात सुरू असलेल्या तपासणीत आतापर्यंत ३,४०४ बनावट प्रकरणे उघडकीस आली आहेत.बनावट पीकविम्याचे लोण राज्यातील २४ जिल्ह्यांत असल्याचे आतापर्यंत आढळले असून, तपासणी अद्याप सुरूच असल्याचे सांगण्यात आले.यावर्षी राज्यात दोन लाख ४८ हजार ९२३ शेतकऱ्यांकडून फळपीकविमा भरला आहे. संपूर्ण फळबागांची कृषी सहायक, तलाठी व विमा कंपनीच्या कर्मचाऱ्यांच्या पथकाकडून तपासणी करण्यात येत आहे. आतापर्यंत राज्यात अवघ्या ५२ हजार हेक्टरची तपासणी झाली आहे.
विमा कंपनीचेही लोक सहभागी?२०२१-२२ या वर्षीही असे प्रकार झाले. मात्र, सर्वांनाच मोठ्या प्रमाणावर पैसे मिळाले आहेत. विमा कंपनीच्या काही लोकांना याची कल्पना होती. मात्र, त्यांनी गप्प राहण्याचे काम केले. त्याला कृषी खात्याकडूनही बळ मिळाले
जिल्हा एकूण तपास अपात्र अर्ज अर्ज अर्जअहमदनगर २३०५ ८१४ ३१धुळे २५०८ ८४२ २१नागपूर ६५७ ५९१ ८नाशिक १०९३ ९३८ १२सोलापूर ४४१५ ८०९ ४७०वाशिम १३ १३ ९यवतमाळ १९३ १९३ २पालघर ३४२९ ७१४ ५नंदुरबार १७०४ ३५४ ३८रत्नागिरी ३२३८ ३२४३ ७०सिंधुदुर्ग ३८४६४ २५९३ १७अमरावती ३६०३ ४०६ ४संभाजीनगर ३६५२ १०५० ९६जालना ४७६८६ १०९५० ११०५कोल्हापूर २७९ २७९ ४७लातूर ५३३ ५३३ ६सांगली ७०७० २६८२ ७४४सातारा ५९९ ५९९ ५०ठाणे ४७८८ ९८७ १९बीड २३६९ ९७८ २०जळगाव ७८४३० ११८९९ ४११नांदेड ११८३ ८३६ ५१धाराशीव ६२४ ६२४ १६पुणे ४३९ ४३९ २२२एकूण २,४८,९२३ ५२,०८६ ३४०४