प्रेम हे फार नाजूक नातं असतं. या नात्यात दोन लोक आपलं सगळं एकमेकांना सोपवतात. समोरच्या व्यक्तीचा आनंद आणि दु:खं सगळं आपलं असतं. पण हे तेव्हाच होतं जेव्हा नातं खरं असतं. जगात असे अनेक लोक आहेत जे केवळ आपल्या फायद्यासाठी प्रेमाच नाटक करतात. पण ते म्हणतात ना की, वरचा सगळं बघतोय. सोशल मीडियावर एका तरूणीला तिच्या कर्माचं फळ मिळाल्याची स्टोरी खूप व्हायरल होत आहे.
अमेरिकेच्या टेक्सासमध्ये राहणारी रियलिए जोएटने तिच्यासोबत घडलेली रिअर लाइफ स्टोरी शेअर केली. जोएटने दावा केला की, ज्या तरूणाला तिने 6 वर्षाआधी अचानक ब्लॉक केलं होतं, ज्याला प्रेमाची स्वप्ने दाखवून सोडलं होतं तोच तिच्या बॉस म्हणून समोर आला. जोएट एका इंटरव्ह्यूसाठी गेली होती. तिथेच तिने त्याला पाहिलं. तिने त्याला बघताच ओळखलं होतं. पण तिला नोकरी गरज होती म्हणून ती इंटरव्ह्यू मधेच सोडू शकली नाही.
सोशल मीडिया साइट टिकटॉकवर या तरूणीने तिची स्टोरी शेअर केली. तिने सांगितलं की, जेव्हा ती 19 वर्षांची होती तेव्हा तिची भेट एका तरूणासोबत झाली होती. दोघेही 6 वर्षाआधी रिलेशनशिपमध्ये होते. पण तरूण नात्यात जास्तच सीरिअस झाला होता. तो या नात्याबाबत फार गंभीर होता, पण तरूणीला केवळ टाइम पास करायचा होता. अशात तिने एक दिवस अचानक त्याला सगळीकडून ब्लॉक केलं. त्याच्यासोबतचे संबंध तोडले.
ही स्टोरी टिकटॉकवर शेअर केल्यावर याला लाखो व्ह्यूज मिळाले आहेत. 6 वर्षानी 25 ची झालेली जोएटने न्यूयॉर्क पोस्टला सांगितलं की, तिने त्याला दगा दिला होता, कदाचित ही त्याची शिक्षा होती की, आज त्याच तरूणाकडे नोकरीसाठी तिला जावं लागलं. तरूणीला नोकरीची गरज होती. इंटरव्ह्यू दरम्यान तरूणाने तिला ओळखलं होतं. पण त्याने कोणताही सूड घेतला नाही. उलट तिला नोकरीवर ठेवलं. पण जोएटने नोकरी नाकारली कारण तिला दुसऱ्या ठिकाणी चांगल्या पगाराची नोकरी मिळाली होती.