आपल्या देशात वीज बील वापरापेक्षा जास्त येण्याची अनेक प्रकरणे समोर आली आहेत. विजेच्या अति बिलामुळे जगभरातीलही लोक त्रस्त आहेत. घरगुती वीजबिल काही हजारांमध्ये येत असते. पण एखाद्याचे एका दिवसाचे वीज बिल ३७ लाख रुपये आले येईल अशी आपण कल्पनाही करु शकत नाही. तुमचा यावर विश्वास बसणार नाही, पण हे खरे आहे. एका महिलेला एका दिवसाचे वीजबिल ३७ लाख रुपये आल्याचे समोर आले आहे.
एका महिलेला हे वीजबिल आले आहे."आम्ही दिवे बंद केल्याशिवाय झोपत नाही. आम्ही वीजेची नेहमी बचत करतो.तरीही मला एवढे जास्त वीजबिल आहे, हे बील पाहून मला धक्काच बसला असल्याचे महिलेने सांगितले.
एका अहवालानुसार, ब्रिटनमधील २५ वर्षीय माइल्स प्रायर ही सकाळी उठली आणि जेव्हा तिने तिचे एसएसई स्मार्ट मीटर पाहिले तेव्हा तिला धक्का बसला. पूर्वी तिचे दैनंदिन वीज वापर १.८० डॉलर होते, पण त्या दिवशी मीटरमध्ये ही रक्कम खूपच जास्त असल्याचे दिसून आले.
या महिलेचे नाव माइल्स प्रायर ही वेस्ट ससेक्स येथे दोन बेडच्या फ्लॅटमध्ये राहते आणि तिच्या घरात ओव्हनही नाही. ती वीज कमी प्रमाणात वापरते. वीजेचा अति वापर कधी करत नाही. तिला हे वीजबिल वीज विभागाच्या चुकीमुळे आल्याचे समोर आले आहे. त्याबाबत तिने वीज विभागाला माहिती दिली आहे.