सध्या रीलची क्रेझ खूपच वाढली आहे. ट्रेनच्या दरवाजात उभं राहून अनेक जण रील बनवतात. कारण असं केल्याने तुम्हाला जास्त व्ह्यूज आणि लाईक्स मिळू शकतात, परंतु जीवाला धोका निर्माण होता. असाच एक धक्कादायक व्हिडीओ आता समोर आला आहे. इंटरनेटवर व्हायरल झालेल्या व्हिडिओमध्ये श्रीलंकेला गेलेली एक तरुणी देखील ट्रेनमध्ये असाच एक स्टंट करते. ज्याला तब्बल १०५ मिलियन व्ह्यूज मिळाले आहेत.
ट्रेनच्या दरवाजात एक तरुणी उभी राहते. नंतर ती रीलसाठी दरवाजाला लटकते. हे करताना तिला फार आनंद होतो. याच दरम्यान तिचा हात सुटतो, ती हळूहळू खाली सरकते आणि पडते. पोस्टच्या कॅप्शनमध्ये ती स्वतः सांगते की, जेव्हा ती ट्रेनच्या दरवाज्यात उभी असते तेव्हा अचानक तोंडावरच दरवाजा बंद होतो. ज्यामुळे ती खाली पडते. पण तितक्यातच ट्रेन थांबल्याने तरुणीचा जीव वाचतो.
अवघ्या काही सेकंदांच्या या छोट्या क्लिपमध्ये ही तरुणी खूप मजा करताना दिसत आहे. ट्रेनमधील प्रवासाचा पुरेपूर आनंद घेते. इन्स्टाग्रामवर @munevvernizam नावाच्या एका युजरने या रीलच्या कॅप्शनमध्ये श्रीलंकेची आयकॉनिक ट्रेन आणि खूप खास प्रवास असं कॅप्शन दिलं आहे.
या रीलला आतापर्यंत ८ लाख २६ हजारांहून अधिक लाईक्स मिळाले आहेत. ३ मे रोजी इन्स्टाग्रामवर अपलोड केलेल्या या रीलला १०५ मिलियन म्हणजेच सुमारे १० कोटी ५० लाख व्ह्यूज मिळाले आहेत. या व्हिडीओ पाहून अनेकांना तरुणींवर टीका केली आहे. जर ट्रेन थांबली नसती तर रीलच्या नादात तिने केलेला हा स्टंट तिच्याच जीवावर बेतला असता.