सोशल मीडियावर आजकाल चोरीचे अनेक मजेदार व्हिडीओ व्हायरल होत असतात. काही व्हिडीओंमध्ये चोरांची चोरी करण्याची पद्धत पाहून लोक हसू आवरू शकत नाहीत. तर काही व्हिडीओ पाहून लोक हैराण होतात. व्हायरल झालेल्या या व्हिडीओमध्ये एका महिलेने ज्याप्रकारे चोरी करण्याचा प्रयत्न केला ते बघून लोक हैराण झाले आणि त्यांना हसूही फुटलं. कारण ती चोरी करण्यात तर यशस्वी ठरली नाही, पण तिची चोरी करण्याची पद्धत चर्चेचा विषय बनली.
व्हायरल होत असलेल्या व्हिडीओत तुम्ही बघू शकता की, कशाप्रकारे सुपरमार्केटमध्ये एक जड चेनसॉ चोरी करण्याचा प्रयत्न करत होती. कॅमेराकडे लक्ष न देता ती चेनसॉ उचलते आणि मग पॅंटमध्ये लपवण्याचा प्रयत्न करते. पण तिला ते काही जमत नाही आणि ते काढून टाकते. नंतर पुन्हा ती चेनसॉ मागच्या बाजूने लपवण्याचा प्रयत्न करते. पण त्यातही तिला यश मिळत नाही. त्यामुळे ती वैतागते. यादरम्यान ती हे विसरते की, तिचा हा कारनामा कॅमेरात कैद झालाय.
एखादी छोटी वस्तू असती तर महिला चोरी करण्यात यशस्वी ठरली असती. पण चेनसॉ लपवणं फारच अवघड काम होतं. तिने चोरी करण्याच्या अनेक पद्धती वापरल्या. पण तिला यात काही यश मिळालं नाही. व्हिडीओ पाहून तुम्हीही हैराण व्हाल आणि तुमच्या लक्षात येईल की, लोक का हसत आहेत. हा व्हिडीओ रेडीट यूजरने शेअर केला आहे. व्हिडीओ व्हायरल झाला आहे आणि लोक यावरून मजा घेत आहेत.