माणसाचं नशीब अनेकदा खूप महत्त्वाचं असतं. एखादी व्यक्ती नशीबाची साथ आणि प्रबळ इच्छाशक्तीच्या जोरावर यशाच्या शिखरावर पोहोचते. तर काहीजण एका छोट्याशा चुकीमुळे सर्वचं गमावून बसतात. अशीच एक घटना आता समोर आली आहे. एकेकाळी अरबपती असलेली एक व्यक्ती आता पूर्णपणे कंगाल झाली आहे. तब्बल तीन अरबहून अधिक पैसे असलेल्या व्यक्तीच्या खात्यात आता फक्त 10 हजार रुपयेच उरले आहेत. रॉब लॉयड (Rob Lloyd) असं या 57 वर्षीय व्यक्तीचं नाव असून हा व्यक्ती वेल्सच्या सर्वात श्रीमंत व्यक्तींमध्ये गणला जात होता.
मीडिया रिपोर्टनुसार, एकेकाळी रॉब लॉयडची वर्षाची कमाई 3 कोटी 52 लाखांहून अधिक होती. तो 3 अरब 73 कोटी रुपयांच्या संपत्तीचा मालक होता. त्यांच्याकडे ईटनफिल्ड ग्रुप नावाची एक कंपनी होती. मात्र त्यांना रेसिंग यार्ड बनवण्याची इच्छा निर्माण झाली. यासाठी त्याने आपले 60 कोटी रुपये खर्च केले. यानंतर त्यांनी 20 कोटीहून अधिक रुपये खर्च करून घोडे खरेदी केले. 2009 साली रॉब लॉय़ चॅनल 4 च्या द सिक्रेट मिलियनेअर या हीट शोमध्येही आले होते. मात्र यानंतर दोनच वर्षात त्यांनी सर्वकाही गमावलं. 2011 साली ते 2 अरब 62 कोटी रुपयांच्या कर्जात बुडाले.
10 हजार रुपये शिल्लक
एका व्यक्तीने देखील डीलच्या माध्यमातून त्यांची फसवणूक करत करोडो रुपये लंपास केले. 2017 साली एका रिएलिटी शोमध्ये रॉबच्या पत्नीने खुलासा केला होती की रॉबसोबत राहत असतानाच तिने एका करोडपती व्यक्तीसोबत लग्न केलं होतं. रॉब आणि या महिलेची एक मुलगीही आहे. 2020 साली रॉबला कॅन्सर असल्याचं निदान झालं. काहीच काळात त्यांचा बँक बॅलन्सही संपला. शेवटी त्यांच्याकडे केवळ 10 हजार रुपये शिल्लक राहिले. इतकं सगळं झाल्यानंतर ते डिप्रेशनमध्ये गेले. रॉबची पहिली दोन लग्न अपयशी ठरली.
रॉबने अचानक सगळंच त्यांच्यापासून दूर गेल्याचं म्हटलं. प्रॉपर्टी मार्केटमधील नुकसानानंतर कंपनी पुन्हा नव्याने सुरू करण्यासाठी त्यांनी आपलं रेसिंग यार्ड, फार्म आणि घोडे हे सर्व विकून टाकलं. आता रॉबने मारिया नावाच्या महिलेसोबत तिसरं लग्न केलं आहे. मारियासोबत लग्न केल्यानंतर ते अतिशय आनंदात राहू लागले आहेत. तो कॅन्सरवर उपचारही घेत आहेत. अचानकच त्यांचा संपूर्ण बिझनेस कोलमडला आहे. एकेकाळी अतिशय उत्तम आयुष्य जगणारा रॉबचं नशीबच आता बदललं आहे. एका हिंदी वेबसाईटने याबाबतचे वृत्त दिले आहे.