Crocodile from mud attacks cameraman viral video: मगर हा एक असा प्राणी आहे जो खूप भयंकर आहे. अतिशय शांतपणे शिकारीची वाट बघणे आणि योग्य वेळी सावज हेरून हल्ला करण्याचा गुण मगरीकडे अंगभूत असतो. तसेच मगरीचा रंग हा चिखलात किंवा समुद्राच्या किंवा नदीच्या पाण्याशी मिळताजुळता असतो. त्यामुळे लपलेली मगर शोधणे खूप अवघड असते. मगरीचा असाच एक व्हिडीओ सध्या सोशल मीडियावर व्हायरल झाला आहे. या व्हिडीओमध्ये मगर चिखलात लपून बसली आहे हे सुरुवातीला समजतच नाही, पण नंतर मगर हल्ला चढवण्यासाठी पुढे येते तेव्हा ही गोष्ट समजते.
नक्की काय घडले?
एक मगर चिखलात अशा प्रकारे लपून बसली होती की, तिथे उपस्थित लोकांना मगर तिथे असल्याचे कळूही शकत नव्हते. तिने आपले शरीर पूर्णपणे चिखलाने झाकले जाईल याची काळजी घेतली होती. जेणेकरून ती कुणाच्याही पटकन दृष्टीस पडू नये. व्हिडिओमध्ये तुम्ही पाहू शकता की, ए व्यक्ती शूटिंग करत आहे, त्याच वेळी मगर अचानक चिखलातून डोकं वर काढते आणि जबडा उघडून त्या माणसाच्या दिशेने येते. मगरीचा हल्ला पाहून कॅमेरामनही जीव वाचवण्यासाठी मागे पळू लागतो असेही या व्हिडीओमध्ये दिसत आहे.
हा व्हिडिओ jayprehistoricpets नावाच्या आयडीसह सोशल मीडिया प्लॅटफॉर्मवर शेअर करण्यात आला आहे. या व्हिडीओला आतापर्यंत लाखो व्ह्यूज मिळाले आहेत.