असे म्हणतात की, जेव्हा एखादा प्राणी कुणावर हल्ला करतो तेव्हा तो प्राणी आक्रामक होतो. अनेकदा सोशल मीडियावर अशाप्रकारचे दृश्य असलेले व्हिडीओही बघायला मिळतात. हे व्हिडीओ पाहून थक्क व्हायला होतं. असाच एक व्हिडीओ समोर आला आहे. ज्यात सर्कसमध्ये शोदरम्यान एका वाघिणीने ट्रेनरवर हल्ला केला. ज्यानेही हा नजारा पाहिला ते हैराण झाले आणि हल्ल्यानंतर उपस्थित लोकांनी एकच आरडा-ओरड केली.
असे सांगितले जात आहे की, हा व्हिडीओ रशियातील आहे. ज्यात लाईव्ह शोदरम्यान एका वाघिणीने रिंगमध्ये आलेल्या ट्रेनरवर हल्ला केला. इतकंच नाही तर वाघिणीने ट्रेनरचा पायही जबड्यात पकडला होता आणि त्याला ओढत नेत होती. प्रेक्षक हा नजारा पाहून हैराण झाले. बरेच लोक सर्कसचा तंबू सोडून पळाले सुद्धा. मीडिया रिपोर्टनुसार, वाघिणीने फार वाईट प्रकारे ट्रेनरला जखमी केलं आहे. या घटनेनंतर आता या वाघिणीला पुन्हा सर्कसच्या शोमध्ये न घेण्याचा निर्णय घेण्यात आलाय.
हा व्हिडीओ पाहिल्यानंतर कुणाच्या अंगावर शहारे येतील. कारण वाघिणीने हल्लाच तेवढा खतरनाक केलाय. सोशल मीडियाच्या वेगवेगळ्या प्लॅटफॉर्मवर हा व्हिडीओ शेअर केला जात आहे. हा व्हिडीओ पाहून लोक हैराण होत आहेत. यातूनही हेही समजतं की, प्राणी आक्रामक होतात तेव्हा ते ओळखीच्या लोकांनाही सोडत नाहीत.