व्हिएतनाममधील (Vietnam) एक व्हिडीओ सोशल मीडियावर व्हायरल (Social Viral Video) झाला आहे. व्हिडीओत एक ६.५ फूटांपेक्षा अधिक लांबीचा किंग कोब्रा (King Cobra) साप घराच्या यार्डमध्ये खेळत असलेल्या लहान मुलाच्या मागे लागला. वेळीच जर घरातील लोक मुलाला घेऊन पळाले नसते तर काहीही होऊ शकलं असतं. या व्हिडीओत (Viral Video Of King Cobra) तुम्ही बघू शकता की, एक लहान मुलगा घरातील व्हरांड्यात खेळत आहे. तेव्हाच अचानक त्याच्या आजोबांची नजर त्याच्याकडे येत असलेल्या किंग कोब्राकडे जाते. सापाला बघताच ते मुलाला जवळ घेतात आणि घरात जातात.
तुम्ही बघू शकता की, किंग कोब्रा वेगाने सरपटत घराच्या दारापर्यंत पोहोचतो. पण कोब्रा आत शिरायच्या आधी व्यक्ती दरवाजा बंद करतो. कोब्रा काही वेळ दाराजवळ रागात इकडे-तिकडे करतो आणि नंतर बाहेरच्या दिशेने जाऊ लागतो. तुम्ही व्हिडीओत बघू शकता की कोब्राचा स्पीड खूप जास्त आहे. तो वेगाने सरपटत आहे. (हे पण वाचा : जगातल्या सर्वात विषारी कोब्राला किस करत होता सापांचा एक्सपर्ट, २ मिनिटांमध्ये झाला त्याचा खेळ खल्लास)
किंग कोब्राचा इतका खतरनाक व्हिडीओ तुम्ही कदाचित याआधी पाहिला नसेल. कोब्राचा स्पीड पाहून अंगावर काटा उभा राहिल्याशिवाय राहत नाही. हा व्हिडीओ यूट्यूबवर शेअर करण्यात आला आहे. ज्यावर लोकांच्या भरभरून कमेंटही येत आहे. ही घटना १४ जुलैची असून व्हिएतनामच्या सोक ट्रांग प्रांतातील आहे. या व्हिडीओतून हेही शिकायला मिळतं की लहान मुलांना एकटं सोडून जाऊ नका.