नवी दिल्ली - सोशल मीडियावर नवनवीन ट्रेंड्स येत असतात. अनेक गोष्टी या सातत्याने व्हायरल होत असतात. काही व्हिडीओ हे खळखळून हसवतात तर काही विचार करायला भाग पाडतात. अंगावर काटा आणणारे व्हिडीओ देखील अनेकदा व्हायरल होत असतात. माणसांसोबतच प्राणी-पक्षांसोबत झालेल्या गमतीजमतीचे देखील खूप व्हिडीओ असतात. ते पाहून आपण नेहमीच आनंदी होतो. असाच एक व्हिडीओ सध्या सोशल मीडियावर तुफान व्हायरल होत आहे.
काही लोक गाडीने प्रवास करत होते. प्रवास दरम्यान त्यांना पत्ता सापडला नाही. त्यावेळी गाडीत असणाऱ्या एका व्यक्तीने चक्क गायीलाच पत्ता विचारला आणि गायीने देखील त्याला पटकन भन्नाट उत्तर दिलं आहे. गायीची रिएक्शन पाहून तुम्हीही हमखास चकीत व्हाल. आयपीएस अधिकारी दीपांशु काबरा यांनी मजेशीर कॅप्शन देत आपल्या ट्विटर अकाउंटवर हा शेअर केला आहे. "गुगल मॅप्स येण्यापूर्वी लोकांना असा ठिकाण मिळायचं" असं कॅप्शनमध्ये काबरा यांनी लिहीलं आहे.
सोशल मीडियावर व्हायरल झालेल्या व्हिडीओत एक व्यक्ती कारमधून जाताना दिसत आहे. पण मध्येच पत्ता विसरल्यावर रस्त्यात उभ्या असलेल्या गायीला गावाचा पत्ता विचारतो आणि गायही त्याला रस्ता दाखवते. व्हिडीओ पाहिल्यानंतर तुम्हीही पोट धरून हसाल. गायीने पटकन दिलेलं उत्तर पाहून तुम्हाला आश्चर्याचा धक्का देईल बसेल. 9 सेकंदाचा हा व्हिडीओ आतापर्यंत 20 हजारांहून अधिक लोकांनी पाहिला आहे. तर शेकडो लोकांनी लाईक केलं आहे. अनेकांनी मजेशीर कमेंट्स केल्या आहेत. एका हिंदी वेबसाईटने याबाबतचे वृत्त दिले आहे.