Viral Video : सध्या सगळीकडे लग्नांचं सीझन सुरू आहे. अशात लग्नांचे अवाक् करणारे व्हिडीओ व्हायरल झाले नाही तर नवलच. कधी काही लग्नातील नवरी-नवरदेवाच्या भांडणाचे व्हिडीओ समोर येतात तर कधी काही पोट धरून हसायला लावणारे व्हिडीओ असतात. असाच एक व्हिडीओ सध्या तूफान व्हायरल झाला आहे. लग्नात हार टाकण्याचा रिवाज सुरू आहे. तेव्हा जे घडतं ते बघून लोक पोट धरून हसत आहेत.
व्हिडीओमध्ये नवरी आणि नवरदेव हार घालण्याचा रिवाज पार पाडत आहेत. नवरीने नवरदेवाच्या गळ्यात हार टाकलाय. अशात नवरीकडील काही लोक गंमत म्हणून नवरीला वर उचलून धरतात. पण त्याला हार घालण्यात थोडी अडचण होते. मग नवरदेव तिला हार घालण्यासाठी थेट स्टेजवरील सोफ्यावर चढतो. नवरीच्या गळ्यात हारही टाकतो. पण नंतर जे घडतं ते खतरनाक आहे.
नवरदेव हार तर टाकतो. पण नवरीला उचलून धरलेल्या तिच्या दोन नातेवाईकांचा बॅलन्स जातो आणि ते नवरीला घेऊन स्टेजखाली उभ्या असलेल्या पाहुण्यांवर जाऊन पडतात. हा व्हिडीओ सरिता सारावाग नावाच्या ‘एक्स’ यूजरने शेअर केला आहे. हा व्हिडीओ तूफान व्हायरल झाला आहे. या व्हिडीओला 5 लाखांपेक्षा जास्त व्ह्यूज मिळाले आहेत. यूजरही या व्हिडीओ अनेक मजेदार कमेंट्स करत आहेत.
एका यूजरने लिहिलं की, 'शेवटी सरकारी नोकरीवाला आहे, जोश तर दाखवणारचं'. दुसऱ्याने लिहिलं की, 'हार घालण्याचा रिवाजा होता की, नवरीला उचलण्याचा रेकॉर्ड बनवायचा होता’. अशा अनेक मजेदार कमेंट्स लोक करत आहेत.