Social Viral : सध्या भारतात सगळीकडे लग्नाचा सीझन सुरू आहे. त्यामुळे सोशल मीडियावर लग्नातील काही चांगले तर काही अजब व्हिडीओ व्हायरल होत असतात. नवरी-नवरदेव आपलं लग्न यादगार करण्यासाठी सगळे प्रयत्न करत असतात. पण अनेकदा लग्नात असं काही घडतं ज्याचा कुणी विचारही करू शकत नाही. असाच एक व्हिडीओ समोर आला आहे.
लग्नातील एक व्हिडीओ व्हायरल झाला असून ज्यात नवरदेव नवरीसोबत जबरदस्ती करताना दिसत आहे. ज्यावर लोकांच्या कमेंट्स येत आहेत की, त्याला लग्न करण्याचा काहीच अधिकार नाही.
इंस्टाग्राम अकाउंट @shravankr7 वर हा व्हिडीओ शेअर करण्यात आला आहे. ज्यात एक नवरी आणि नवरदेव स्टेजवर दिसत आहेत. हार घालण्याच्या रिवाजानंतरची ही घटना दिसत आहे. यादरम्यान असं काही घडतं जे बघून सगळेच हैराण होतात. नवरी-नवरदेव एकमेकांना मिठाई खाऊ घालतात.
स्टेजवर नवरी नवरदेव उभे आहेत. नवरी नवरदेवाला रसगुल्ला खाऊ घालते. तो अर्धाच रसगुल्ला खातो आणि शिल्लक रसगुल्ला तिला खाऊ घालण्याचा प्रयत्न करतो. पण ती नाही म्हणते. अशात तो जबरदस्तीने तिला खाऊ घालतो. तिच्या हावभावावरून हे दिसून येतं की, तिला हे अजिबात आवडलेलं नाही. जेव्हा नवरदेव तिचं रूमालाने तोंड पुसतो तेव्हा ती नकार देते.
या व्हिडिओला 10 लाखांपेक्षा जास्त व्ह्यूज मिळाले आहेत. तर लोक यावर वेगवेगळ्या कमेंट्स करत आहेत. जास्तीत जास्त लोक नवरदेवाला नावं ठेवत आहेत. त्याला शिस्त नाही किंवा नीट वागता येत नाही असं म्हणत आहे. काही तर म्हणाले की, नवरीने हे लग्नच करू नये.