जगभरात अनेक अजब गोष्टी आहेत. कधी कधी तर निसर्गाने काही जीवांना असं बनवलं की, त्यांना बघून विश्वासच बसत नाही. तुम्ही आतापर्यंत वेगवेगळे साप पाहिले असणार. पण सद्या सोशल मीडियावर एका सापाचा व्हिडीओ चांगला व्हायरल झाला आहे. या व्हिडीओतील सापाचा रंग पाहून लोक हैराण झाले आहेत. लोकांना प्रश्न पडलाय की हा साप कोणत्या प्रजातीचा आहे. कदाचित तुम्ही असा साप आधी कधी पाहिला नसेल.
निसर्गात अनेक सुंदर जीव-जंतू आहेत. ज्यांना बघून आपला आपल्याच डोळ्यांवर विश्वास बसत नाही. असाच या सापाला बघून सर्वांना आश्चर्याचा धक्का बसत आहे. या सापाला Rainbow Snake असं म्हणतात. पहिल्यांदा पाहिल्यावर याचा रंग निळा वाटतो. मात्र, बारकाईने पाहिलं तर त्यावर तुम्हाला अनेक रंग दिसतात. हे साप जास्तकरून दक्षिण-पूर्ण अमेरिकेच्या भागात आढळतात. यांची सरासरी लांबी ९१ ते १२२ सेंटीमीटर इतकी असते.
या रंगीत सापाचे फोटो आणि व्हिडीओ सोशल मीडियावर व्हायरल झाले आहेत. लोक ते शेअर करत आहेत. इन्स्टाग्रामवर The Reptile Zoo नावाच्या अकाऊंटने या सापाचा व्हिडीओ शेअर केला आहे. या व्हिडीओत तुम्ही बघू शकता की, साप महिलेच्या अंगा-खांद्यावर खेळत आहे. हा साप दिसायला जेवढा सुंदर आहे, तेवढाच जडही आहे.