सोशल मीडियावर एक व्हिडीओ वेगाने व्हायरल होत आहे. जे पाहून तुम्ही हैराण व्हाल. एका झाडावर दोन सापांमध्ये जुंपली होती. तेवढ्यातच तिथे एक मधमाशी आली आणि त्यानंतर जे घडलं ते पाहून तुम्हीही हैराण व्हाल. हा व्हिडीओ ट्विटरवर इवानगेलाइन कमिंग्स (Evangeline Cummings) यांनी शेअर केला आहे. व्हिडीओ शेअर करत त्यांनी लिहिलं आहे की, मी कोरल स्नेक आणि रेटल स्नेकची लढाई पाहिली. तेवढ्यात अचानक एक मधमाशी आली आणि कोरल स्नेकला चावण्यास सुरुवात केली.'
17 ऑक्टोबर रोजी सदर व्हिडीओ शेअर करण्यात आला होता. व्हिडीओमध्ये असं दिसून येत आहे की, एक साप दुसऱ्या सापाला खाण्याचा प्रयत्न करत आहे. कोरल स्नेक रेटल स्नेकवर हल्ला करतो. तेवढ्यात तिथे एक मधमाशी येते आणि कोरल स्नेकवर लगेच हमला करते. मधमाशी एवढ्या जोरात चावते की, कोरल स्नेक रेटल स्नेकला सोडून देतो.
सदर व्हिडीओला आतापर्यंत 40 हजारपेक्षा जास्त व्ह्यूज मिळाले असून एक हजारपेक्षा जास्त कमेंट्स आल्या आहेत. लोक या व्हिडीओला फार विचित्र आणि भयानक असं म्हणत आहेत. व्हिडीओ पाहिल्यानंतर लोकांनी वेगवेगळ्या प्रतिक्रिया दिल्या आहेत.