सोशल मीडियावर प्राणी आणि पक्ष्यांचे अनेक मजेदार आणि त्यांच्यातील प्रेम दाखवणारे व्हिडीओ व्हायरल होत असतात. अनेक हे व्हिडीओ आपलं मन जिंकतात. सद्या सोशल मीडियावर पक्ष्याचा एक असा व्हिडीओ व्हायरल झालाय, जो बघून तुम्ही नक्की इमोशनल व्हाल. या व्हिडीओत एक पक्षी आपल्या साथीदार पक्ष्याच्या मृत्यूनंतर त्याला अखेरचा निरोप देताना दिसत आहे. हा व्हिडीओ पाहिल्यावर डोळे पाणावल्याशिवाय राहणार नाही.
हा व्हिडीओ ट्विटरवर आयएफएस अधिकारी सुशांत नंदा यांनी शेअर केलाय. व्हिडीओसोबत त्यांनी कॅप्शनला लिहिले आहे की, ऑस्ट्रेलियन गलाह, ज्याला गुलाबी आणि ग्रे कॉकॅटू नावाने ओळखलं जातं. आपल्या साथीदाराचा मृत्यू झाल्यावर दुसरा साथी दु:खी झालाय. अखेरचा निरोप...हृदय पिळवटून टाकणारा व्हिडीओ. (हे पण बघा : बाबो! भर मंडपात मुलीने नवरदेवाला केला पळून जाण्याचा इशारा? जाणून घ्या Viral व्हिडीओमागचं सत्य)
व्हिडीओत तुम्ही बघू शकता की, रस्त्यावर एक पक्षी पडलेला आहे. ज्याचा मृत्यू झाला आहे. तर बाजूला एक दुसरा पक्षी जो दु:खी होऊन इकडे-तिकडे फिरत आहे. हा पक्षी मृत पडलेल्या पक्ष्याजवळ जातो आणि त्याला किस करण्याचा प्रयत्न करतो. ज्यावरून दोघांमध्ये किती प्रेम होतं हे दिसून येतं. हा क्षण पाहून कुणीही भावूक झाल्याशिवाय राहणार नाही. कारण प्राणी असो वा मनुष्य जोडीदार जाण्याचं दु:खं सारखंच असतं.
सोशल मीडियावर हा व्हिडीओ व्हायरल झाला आहे. आतापर्यंत या व्हिडीओला ६ लाखांपेक्षा जास्त व्ह्यूज मिळाले आहेत. लोक व्हिडीओवर भरभरून कमेंट करत आहे. एका यूजरने लिहिले की, फार दु:खद. तर दुसऱ्याने लिहिले की, मन हेलावून टाकणारा व्हिडीओ. अनेकांनी अशाचप्रकारच्या इमोशनल कमेंट केल्या आहेत.