आई आपल्या मुलांसाठी काहीही करायला तयार होते. प्राण्यांमध्येही असेच आहे, पिलांना वाचवण्यासाठी आई कुठल्याही संकटाचा सामना करते. सोशल मीडियावर अशाप्रकारचे अनेक व्हिडिओ व्हायरल होत असतात. परत एकदा अशाच प्रकारचा व्हिडिओ व्हायरल होत आहे. व्हिडिओमध्ये आपल्या पिलांना वाचवण्यासाठी चिमणी चक्क सर्वात धोकादायक असलेल्या किंग कोब्राशी सामना करते.
व्हायरल होत असलेल्या या व्हिडीओमध्ये एक महाकाय किंग कोब्रा झाडाला लटकलेल्या घरट्यात अंडी खाण्यासाठी जातो. कोब्रा संपूर्ण घरटे आपल्या ताब्यात घेतो. तो घरट्यातील अंडी खाणार, तेवढ्यात चिमणी कोब्रावर हल्ला करते. बराचवेळ कोब्राला चोची मारल्यानंतर कोब्रा तिथून पळ काढतो.
पक्षी असो वा मानव, आई ही आईच असते, ती आपल्या मुलांचे रक्षण करण्यासाठी कोणाशीही भिडायला तयार होते, हे या व्हिडिओतून स्ष्ट होते. हा व्हिडिओ व्हायरल झाल्यानंतर लोक यावर विविध प्रतिक्रिया देत आहेत.