(Image Credit : YouTube)
कधी तुम्ही एखादी मगर दारावर आली आणि घराची 'डोअर बेल' वाजवताना पाहिली का? नाही ना! पण आता बघा. कारण सोशल मीडियात सध्या एक व्हिडीओ व्हायरल झाला असून ज्यात एक मगर पायांवर उभी राहून 'डोअर बेल' वाजवण्याचा प्रयत्न करताना दिसत आहे. ही घटना अमेरिकेतील साऊथ कॅरोलाइनमधील आहे. हा व्हिडीओ पाहून लोकंही अचंबित झाले होत आहेत.
अमेरिकेतील साऊथ कॅरोलाइनमध्ये राहणारी केरन अल्फोनो हे पाहून हैराण झाली की, तिच्या घराच्या मुख्य दरवाज्यात एक मोठी मगर आहे. ती 'डोअर बेल' वाजवण्याचा प्रयत्न करत होती. ही मगर भिंतीच्या मदतीने दोन्ही पायांवर उभी राहण्याचाही प्रयत्न करत होती. या मगरीची लांबी ६.५ फूच सांगण्यात येत आहे.
यूट्यूबवर हा व्हिडीओ Viral Dudee नावाच्या चॅनेलवर शेअर केला आहे. आतापर्यंत ४० हजार पेक्षा जास्त लोकांनी हा व्हिडीओ पाहिली आहे.
या व्हिडीओत दिसत आहे की, मगर सरपटत सरपटत घराच्या दरवाज्यापर्यंत पोहोचते. नंतर ती दरवाज्याच्या मदतीने दोन पायांवर उभी राहते आणि घराची 'डोअर बेल' वाजवण्याचा प्रयत्न करते. पण तिला यात यश मिळत नाही. नंतर प्रशासनाने या मगरीला जंगलात नेऊन सोडलं.