Viral Video : जगभरात अनेक लोकांना स्केटिंग करणं आवडतं. लोक वेगवेगळ्या पद्धतीने स्केटिंग करताना दिसतात. ज्यांना स्केटिंग येतं ते लोक यात तरबेज असतात. पण ज्यांना येत नाही किंवा कमी येतं त्यांना वेगवेगळ्या समस्या होतात. स्केट बोर्डवर चढण्याच्या नादात ते अनेकदा खाली पडतात किंवा घसरतात. सोशल मीडियावर दुबईच्या वाळवंटात स्टेटिंग करण्याचा प्रयत्न करणाऱ्या महिलेचा एक व्हिडीओ व्हायरल झाला आहे.
इन्स्टाग्रामवर व्हायरल झालेल्या या व्हिडिओत तुम्ही बघू शकता की, महिला क्रीम कलरच्या ड्रेसमध्ये फारच सुंदर दिसत आहे. तिच्यासमोर स्केट बोर्ड आहे, ज्यावर ती उभी आहे. महिला स्केट बोर्ड वाळवंटातील उतार असलेल्या भागात ढकलते. काही अंतर ती बरोबर घसरत जाते, बॅलन्स योग्य ठेवण्यासाठी ती जमिनीला हात लावते. पण नंतर खाली पडते.
खाली वाळूवर पडल्यानंतर जो चष्मा तिच्या डोक्यावर असतो तो डोळ्यांवर येतो. अशात अंदाज लावू शकता की, महिला किती जोरात पडली असेल. सुदैवाने खाली वाळू असल्याने तिला जखम झाली नाही. हा व्हिडीओ रेडएक्स दुबई नावाच्या यूजरने पोस्ट केला आहे. आतापर्यंत या व्हिडिओला ८५ लाखांपेक्षा जास्त व्ह्यूज मिळाले आहेत. तर २ लाख ७२ हजारांपेक्षा जास्त लोकांनी हा व्हिडीओ लाईक केला आहे. इतकंच नाही तर लोक या व्हिडिओवर वेगवेगळ्या प्रतिक्रियाही देत आहेत. काही लोकांनी महिलेच्या स्टंटचं आणि तिच्या सुंदरतेचं कौतुक केलं आहे.