Bicycle Stunts Video: सोशल मीडियावर नेहमीच स्टंटचे वेगवेगळे व्हिडीओ बघायला मिळतात. यातील काही व्हिडीओ फारच परफेक्शन असलेले असतात. काही व्हिडीओ इतके खतरनाक असतात की, त्यात स्टंट करणाऱ्यांना इजाही होते. असाच एक व्हिडीओ सोशल मीडियावर व्हायरल झाला आहे. यात एका तरूणाचा सायकल स्टंट फेल होतो आणि सायकलसहीत एका तरूणीवर जाऊन पडतो.
हे तर सर्वांनाच माहीत आहे की, स्टंट करणं काही खायचं काम नाही. ते कुणालाही करता येत नाही. स्टंट करण्यासाठी मेहनत आणि सरावाची गरज असते. त्यानंतर स्टंटमध्ये परफेक्शन येतं. इतकं करूनही काही चूक झाली तर स्टंटमॅनला इजा होते. अलिकडे अनेक सायकलचे स्टंट बघायला मिळतात. तसाच हा व्हिडीओ आहे.
व्हिडीओत तुम्ही बघू शकता की, एक तरूण सायकलसोबत एका पार्कमध्ये स्टंट करत असतो. इतक्यात एक तरूणी त्याच्या समोर येते. ती खाली बसून शूजची लेस बांधत असते. यादरम्यान तरूण तरूणीला स्टंट दाखवण्याचा प्रयत्न करतो. पण ऐनवेळेला तरूणाचा स्टंट फेल होतो आणि तो सायकल घेऊन तरूणीच्या अंगावर पडतो.
व्हिडीओत असं वाटतं जणू तरूणाचा बॅलन्स तरूणीला बघून बिघडतो. त्यानंतर स्टंट बाजूलाच राहतो आणि अपघात होतो. ज्याप्रकारे तरूण सायकल घेऊन तरूणीवर पडतो ते बघून हेच वाटतं की, दोघांनी चांगलंच लागलं असेल. हा व्हिडीओ इन्स्टाग्रामवर mohd_junaid_ch77 नावाच्या अकाऊंटवर शेअर करण्यात आला आहे.