Snake Viral Video : पृथ्वीवर सर्वात जास्त भिती वाटणाऱ्या जीवांपैकी एक साप आहे. साप दुरून दिसला तरी लोकांना घाम फुटतो. काही लोकांना सापाला हॅंडल करणं चांगलंच जमतं. पण ही बाब सामान्य लोकांना जमणारी नाही. अशात सोशल मीडियावर एक व्हिडीओ व्हायरल होत आहे ज्यात एक छोटासा मुलगा ५ फूट लांब सापासोबत खेळत आहे.
साप दिसल्यावर मोठमोठ्या लोकांची भंबेरी उडते, पण यात हा लहान मुलगा इतक्या लांब आणि चपळ सापासोबत तो खेळत आहे. मजेदार बाब म्हणजे तिथे असलेला कुत्राही सापाला घाबरत आहे. पण लहान मुलगा एखाद्या खेळण्यासारखा सापासोबत खेळत आहे.
व्हायरल झालेल्या या व्हिडीओमध्ये ४ ते ५ वर्ष वयाचा मुलगा सापाजवळ उभ आहे. त्याने सापाची शेपटी हातात पकडली आहे आणि साप स्वत:ला सोडवण्यासाठी धडपडत आहे. एक वेळ साप मुलाच्या हातातून निसटतो आणि वेगाने सरपटत जातो. पण मुलगा त्याला पुन्हा पकडतो. हा व्हिडीओ बघून सगळेच हैराण झाले आहेत.
हा व्हिडीओ कुठला आहे हे समजू शकलेलं नाही, पण rasal_viper नावाच्या अकाउंटवर शेअर करण्यात आला आहे. या व्हिडीओला शेकडो लोकांनी लाइक केलं आहे. तर तेवढ्याच लोकांनी यावर प्रतिक्रिया दिल्या आहेत. काही लोकांनी कमेंट केली आहे की हा रॅट स्नेक आहे जो विषारी नसतो.