Drunk woman Viral Video : दारूच्या नशेत लोकांसोबत अनेकदा अशा काही घटना घडतात, ज्यामुळे त्यांना इतरांसमोर लाजिरवाण्या क्षणांचा सामना करावा लागतो. अनेकदा तर लोक अडचणीतही सापडतात. असंच काहीसं एका महिलेसोबत झालं. ती दारूच्या नशेत होती आणि अचानक सोफ्यावरून खाली पडली. याचा व्हिडीओ सोशल मीडियावर व्हायरल झाला असून लाखो लोकांनी हा व्हिडीओ पाहिला.
इंग्लंडची (England) राहणारी ४० वर्षीय लिंडसे क्लार्क आपल्या काही मैत्रिणींसोबत नॉर्थ शील्ड्समधील एका रेस्टॉरन्टमध्ये गेली होती. जिथे तिची मैत्रीण ज्यूली जॅकसनचा वाढदिवस होता आणि त्या सगळ्याजणी सेलिब्रेट करत होत्या. लिंडसेने भरपूर दारू प्यायली होती. इतकी की तिला नीट उभंही राहता येत नव्हतं. ज्या सोफ्यावर ती बसली होती, त्याच्या एका कोपऱ्यात तिच्या एका मैत्रिणीचं जॅकेट टांगलेलं होतं. ते घेताना जॅकेट सोफ्याच्या मागे पडलं.
डेली स्टारच्या रिपोर्टनुसार, लिंडसे जॅकेट उचलण्यासाठी खाली वाकली. पण जॅकेट काही तिच्या हाताला लगत नव्हतं. अशात तिचा तोल गेला आणि ती खाली पडली. तिने दोन्ही पाय वर आणि डोकं खाली झालं होतं. सोफ्यामागे असलेल्या दोन भिंतीच्या गॅपमध्ये तिचं डोकं अडकलं होतं. तेव्हा रेस्टॉरन्टच्या दोन कर्मचाऱ्यांच्या मदतीने बाहेर काढण्यात आलं.
या घटनेचा व्हिडीओ तिच्या मैत्रीणींनी रेकॉर्ड केला आणि फेसबुकवर शेअर केला. रेस्टॉरन्टने देखील त्यांच्या फेसबुक पेजवर हा व्हिडीओ शेअर केला. या व्हिडीओला आतापर्यंत १० लाखांपेक्षा जास्त व्ह्यूज मिळाले आहेत. लोक व्हिडीओ बघून पोट धरून हसत आहे. लिंडसे म्हणाली की, तिला काही छोट्या इजाही झाल्या आहेत. कारण सोफ्याचा मागचा भाग लाकडाचा होता. व्हिडीओ व्हायरल झाल्यावर तिचा आहे काही आक्षेप नाहीये. ती सुद्धा या घटनेकडे गंमत म्हणून बघत आहे.