सोशल मीडिया हे अशा ठिकाण आहे जिथे कधी काय व्हायरल होईल याचा नेम नाही. सध्या इंटरनेटवर एका कपलच्या वादाचा व्हिडिओ तुफान चर्चेत आहे. या व्हिडिओमध्ये एका तरुणीने आपल्या प्रियकराला दुसऱ्या मुलीसोबत चीटिंग करताना रंगेहाथ पकडले आणि त्यानंतर जो राडा झाला, तो पाहून प्रत्यक्षदर्शींचेही डोळे विस्फारले. संतापलेल्या गर्लफ्रेंडने प्रियकराला भररस्त्यात लोळवून बदडून काढले.
नेमकं काय घडलं?
समोर आलेल्या माहितीनुसार, हे कपल बराच काळ रिलेशनशिपमध्ये होतं. आपल्या जोडीदारावर या तरुणीचा पूर्ण विश्वास होता. मात्र, प्रियकराचे बाहेर अफेअर सुरू असल्याचे समजताच या तरुणीचा संयम सुटला. तिने थेट रस्त्यावरच प्रियकराला गाठले आणि जाब विचारण्यास सुरुवात केली. वादाचे रूपांतर हाणामारीत झाले आणि तरुणीने भररस्त्यात आपल्या बॉयफ्रेंडला धू-धू धुतले.
राडा, मारहाण आणि शेवटी इमोशनल ट्विस्ट!
व्हायरल व्हिडिओमध्ये दिसतंय की, प्रियकर जमिनीवर आडवा झाला आहे आणि ही तरुणी त्याच्यावर बसून त्याला मारहाण करत आहे. भररस्त्यात सुरू असलेला हा पब्लिक ड्रामा पाहण्यासाठी लोकांची मोठी गर्दी जमली होती. अनेकांनी आपल्या मोबाईलमध्ये हा प्रकार कैद केला. आश्चर्याची गोष्ट म्हणजे, एवढा मार खाल्ल्यानंतर आणि संताप व्यक्त केल्यानंतर, तरुणीला रडू कोसळले. रागाच्या भरात तिने रडत रडत प्रियकराच्या छातीवर डोके टेकवले आणि त्यानंतर प्रियकरानेही तिला मिठी मारून शांत करण्याचा प्रयत्न केला. हा संपूर्ण ड्रामा एखाद्या चित्रपटातील सीनसारखा वाटत होता.
नेटकऱ्यांच्या मजेशीर प्रतिक्रिया
हा व्हिडिओ सोशल मीडियावर येताच कमेंट्सचा पाऊस पडला आहे. एका युजरने लिहिले की, "हा तर 'प्यार का पंचनामा' चित्रपटाचा पुढचा भाग वाटतोय!" तर दुसऱ्याने मजेशीर चिमटा काढत म्हटले, "भाऊ रंगेहाथ पकडला गेला, आता काही खरं नाही." काहींनी तरुणीच्या धाडसाचे कौतुक केले, तर काहींनी याला निव्वळ प्रसिद्धीसाठी केलेला स्टंट म्हटले आहे.
Web Summary : A video shows a woman publicly confronting and beating her cheating boyfriend. The incident, filmed by onlookers, ended with an emotional embrace, sparking mixed reactions online, some praising her courage, others calling it a publicity stunt.
Web Summary : एक वीडियो में एक महिला अपने चीटिंग करने वाले बॉयफ्रेंड को सार्वजनिक रूप से पीटती हुई दिखाई दे रही है। दर्शकों द्वारा फिल्माई गई इस घटना का अंत एक भावुक आलिंगन के साथ हुआ, जिससे ऑनलाइन मिश्रित प्रतिक्रियाएं हुईं, कुछ ने उसके साहस की सराहना की, तो कुछ ने इसे पब्लिसिटी स्टंट कहा।