Valentine Day News: फेब्रुवारी महिना येताच मुला-मुलींमध्ये एक वेगळाच उत्साह पाहायला मिळतो. त्यांच्या उत्साहाचे कारण म्हणजे व्हॅलेंटाईन डे. व्हॅलेंटाईन वीक सुरू होताच गर्लफ्रेंड आणि बॉयफ्रेंडच्या भेटीगाठी अधिक प्रमाणात होऊ लागतात. त्यांचे प्रत्येक दिवसाचे खास नियोजन असते. ज्यांना कोणी जोडीदार नसतो, तेही जोडीदाराच्या शोधात निघतात. आजकाल शाळेत शिकणारी मुलं-मुलीही अभ्यासापेक्षा 'प्रेमा'वर जास्त भर देत आहेत. यातच एक व्हिडिओ सध्या सोशल मीडियावर खूप व्हायरल होत आहे, ज्यात आईने प्रेमी युगुलावर चढलेले प्रेमाचे भूत उतरवले.
हा व्हिडिओ एका शाळकरी मुला-मुलीचा आहे, जे घराच्या छतावर गुपचूप एकमेकांना भेटत होते. यावेळी मुलीची आई तिथे पोहोचली आणि त्यांना पकडले. त्यानंतर आईने आधी त्या मुलाची आणि नंतर आपल्या मुलीची धुलाई केली. व्हिडिओमध्ये तुम्ही पाहू शकता की, एक मुलगी टेरेसवर उभी आहे आणि तिची आई तिथे येऊन तिच्या प्रियकराला शोधत आहे. तो छतावर लपून बसलेला आहे. आई त्याला शोधून काढते आणि चापट मारते, नंतर चप्पलनेही बेदम मारहाण करते. त्यानंतर मुलीची पाळी येते आणि आई आपल्या मुलीवरचे प्रेमाचे भूत उतरवते.
आज किस डे आहे आणि त्यानिमित्त हा व्हिडिओ ट्विटरवर टॉप ट्रेंड करत आहे. हा मजेदार व्हिडिओ सोशल मीडिया प्लॅटफॉर्म ट्विटरवर @amolbachhav93 नावाच्या आयडीवरुन शेअर करण्यात आला आहे आणि 'चलो किस डे के ट्रेंड आने लगे है' असे कॅप्शनमध्ये लिहिले आहे. अवघ्या 34 सेकंदांचा हा व्हिडिओ आतापर्यंत 81 हजारांहून अधिक वेळा पाहिला गेला आहे, तर शेकडो लोकांनी या व्हिडिओला लाईक करून वेगवेगळ्या प्रतिक्रिया दिल्या आहेत.