South Superstar Rajnikanth Video Viral: साऊथचा सुपरस्टार रजनीकांत यांना कोण ओळखत नाही? दाक्षिणात्य चित्रपटसृष्टीतच नव्हे तर भारतातील सर्वच फिल्म इंडस्ट्रीतील सर्वात मोठ्या सुपरस्टार्समध्ये रजनीकांत यांची गणना केली जाते. रजनीकांत आता उतारवयात असले तरी त्यांचे अँक्शनपट आणि स्टाइल अद्यापही अनोखी आहे. रजनी सरांनी विविध भाषांमधील अनेक चित्रपटांमध्ये काम केले आहे. त्यांचा चित्रपट प्रदर्शित झाल्यावर बहुतांश ठिकाणी हाऊसफुल्ल चे बोर्ड लागतात. थिएटर बाहेरील वातावरण पाहण्यासारखे असते. सध्या सोशल मीडियावर एक व्हिडिओ व्हायरल होत आहे. या क्लिपमध्ये एक व्यक्ती दिसत आहे, जो रजनीकांत असल्याचे अनेकांना वाटते. पण नंतर मात्र तो केवळ त्यांचा डुप्लिकेट असल्याचे दिसते.
रस्त्यावरील एका व्यक्तीचा व्हिडीओ सध्या व्हायरल झाला आहे. या व्हिडीओमध्ये रजनीकांत सारखा दिसणारा एक माणूस काहीशा विचित्र कपड्यांमध्ये आणि हेअरस्टाईलमध्ये दिसतो. रजनीकांत सारखा सुपरस्टार हाफ पँट आणि स्लिपर्स घालून रस्त्यावर का उभा आहे, असा प्रश्न अनेकांना पडतो. मात्र या रजनीसरांचा लूक-अ-लाइक (Look alike) असल्याचे म्हटले जात आहे. तो रस्त्यावर चहा विकतानाही दिसतो. पाहा व्हिडीओ-
हा व्हिडिओ वेगवेगळ्या सोशल मीडिया प्लॅटफॉर्मवर पोस्ट करण्यात आला आहे. @despoters_12345 नावाच्या युजरने ट्विटरवर हा व्हिडीओ पोस्ट केला आहे. या व्यक्तीचे दिसणे अगदी रजनीकांतसारखे आहे. ही क्लिप जेव्हा सोशल मीडियावर व्हायरल झाली, तेव्हा लोकांना आश्चर्याचा धक्काच बसला. तो माणूस रजनीकांतचा डुप्लिकेट असला तरी त्या व्यक्तीबाबत फारशी माहिती उपलब्ध नाही. फक्त रजनीकांतसारखा दिसणारा हा व्यक्ती कोची (कोचीन) येथे चहा विकतो, असा दावा केला जात आहे.