पावसाच्या दिवसात साप आपल्या बिळांमधून बाहेर येणं सामान्य बाब आहे. या दिवसांमध्ये साप केवळ जंगलात नाही तर रहिवाशी भागांमध्येही शिरतात. असाच एक व्हिडीओ समोर आला आहे. यात दोन साप एका घराच्या छतावर रोमान्स करताना दिसत आहेत.
व्हिडीओत बघू शकता की, दोन साप प्रेमात आकंठ बुडाले आहेत. सापांच्या या मिलनाला लाग असंही म्हणतात. सापांचं हे असं मिलन क्वचितच बघायला मिळतं. दोन्ही साप रोमान्स करता करता घराच्या छतावरून खाली लटकतात. पुन्हा वर जातात आणि नंतर ते छतावरून पुन्हा जमिनीवर पडतात. पण त्यांचा रोमान्स काही थांबत नाही.
सापांचं हे अशाप्रकारे मिलन पाहून काही लोकांना ते भांडत असल्याचं वाटतं. घरातील लोक बाहेर येऊन सापांचं मिलन बघतात. आणि काही लोक सांपाचं हे मिलन पाहून घाबरून पळूनही गेले. पण साप प्रेमात इतके हरवून गेले आहेत की, खाली पडल्यावरही ते वेगळे होत नाहीत.
लोकांना हैराण करणारा हा व्हिडीओ सोशल मीडियावर व्हायरल झाला आहे. लोक भरभरून हा व्हिडीओ शेअर करत आहेत. लोक या व्हिडीओवर कमेंट्सही करत आहेत. हा व्हिडीओ नेमका कुठला हे समजू शकलेलं नाही. पण व्हिडीओ बघून लोकांच्या अंगावर काटा नक्कीच येत असेल.