Snake vs Mongoose Fight :साप आणि मुंगूसाचे वैर सर्वश्रुत आहे. जेव्हा जेव्हा साप आणि मुंगूस समोरा-समोर येतात, तेव्हा एक वेगळाच थरार पाहायला मिळतो. सध्या सोशल मीडियावर असाच एक व्हिडिओ व्हायरल होतोय, ज्यात एक कोब्रा साप आणि मुंगूस एकमेकांवर तुटून पडताना दिसत आहेत. ही घटना पाटणा विमानतळाच्या रनवेवर घडली असून, कुणीतरी आपल्या मोबाईलमध्ये शूट करुन सोशल मीडियावर शेअर केली.
विमानतळाच्या रनवेवर घडलेल्या या रंजक लढाईत साप मुंगूसवर हल्ला करण्याचा प्रयत्न करतो, परंतु मुंगूसदेखील आपल्या चपळाईने प्रत्येक हल्ला हाणून पाडतो. विशेष म्हणजे, आपल्या साथीदाराला मदत करण्यासाठी तिथे आणखी दोन मुंगूस येतात आणि तिघे मिळून त्या सापावर झडप घालतात. हा व्हिडिओ @Parmana69655349 नावाच्या युजरने x वर शेअर केला आहे.
व्हिडिओ पहा:-
या व्हिडिओला आतापर्यंत हजारो व्हू मिळाले असून, लोकांच्या त्यावर वेगवेगळ्या प्रतिक्रिया येत आहेत. काही लोक विमानतळाच्या सुरक्षेवर प्रश्न उपस्थित करत आहेत, तर काही जण मुंगूसच्या शौर्याचे कौतुक करत आहेत.
या व्हिडिओसोबत साप आणि मुंगूसचे जुने व्हिडिओही व्हायरल होत आहेत. आणखी एका व्हिडिओमध्ये एका छोट्या खड्ड्यात एक साप आणि मुंगूस एकमेकांशी भांडताना दिसत आहेत.