Snake Acting Video: सोशल मीडियावर नेहमीच प्राण्यांचे मजेदार व्हिडीओ बघायला मिळतात. सापांचे खासकरून घाम फोडणारे व्हिडीओ समोर येत असतात. पण सध्या सापाचा एक वेगळाच व्हिडीओ व्हायरल (Funny Snake Viral Video) झाला आहे. या व्हिडीओत कधी नव्हे ती सापाची अॅक्टिंग बघायला मिळत आहे. सापाचा हा ड्रामा पाहून तुम्हीही चक्रावून जाल. नेहमीच सापाचे भीतीदायक व्हिडीओ पाहिल्यावर असा व्हिडीओ बघण्यात एक वेगळीच मजा येते.
हा व्हिडीओ viralhog नावाच्या इन्स्टाग्राम अकाऊंटवर शेअर करण्यात आला आहे. सापाच्या नौटंकीचा हा व्हिडीओ बघून कुणालाही हसू येईल. व्हिडीओत तुम्ही बघू शकता की, एक खतरनाक साप तोंड उघडून बसला आहे. अशात एक व्यक्ती तिथे येतो आणि बोटाने त्याला स्पर्श करतो. तसं तर बोटाने सापाला स्पर्श करणं तसं फार धोकादायक मानलं जातं. पण हा साप जरा वेगळा आहे.
व्हिडीओत बघू शकता की, व्यक्ती जसा सापाला स्पर्श करतो तसा साप जीभ बाहेर काढतो आणि तोंड उघडून मेल्याची अॅक्टिंग करू लागतो. हा व्हिडीओ पाहताना एक वेळ असंच वाटतं की, साप खरंच मरतो की काय. पण मुळात तो मरण्याचं केवळ नाटक करत होता.
या व्हिडीओला आतापर्यंत ८६ हजारांपेक्षा जास्त व्ह्यूज मिळाले आहेत. व्हिडीओवरील कमेंट्सवरून समजलं की, हा साप हॉगनोज प्रजातीतील साप आहे. या प्रजातीचे साप नेहमीच जीव गेल्याचं नाटक करतात.