स्मार्टवॉच बनलं 'हेर'! एका नोटिफिकेशनने केली पतीच्या अफेअरची पोलखोल; विद्यार्थिनीवर होतं प्रेम

एका छोट्या नोटिफिकेशनने सुखी संसारात वादळ आणलं.

आजच्या डिजिटल जगात एखादं गुपित लपवणं दिवसागणिक कठीण होत चालले आहे. मोबाईल, एप्स आणि स्मार्ट गॅजेट्स कधी कोणाचं सत्य समोर आणतील, हे सांगता येत नाही. मलेशियातील २१ वर्षीय इन्फ्लुएन्सर नूरिन लोफा हिच्यासोबतही असंच काहीसं घडलं आहे, ज्याची सध्या सोशल मीडियावर जोरदार चर्चा आहे. ज्या पतीला नूरिनने प्रत्येक संकटात साथ दिली, तोच आपली फसवणूक करेल असा विचार तिने स्वप्नातही केला नव्हता. याचा धक्कादायक खुलासा स्मार्टवॉचने केला. त्या एका छोट्या नोटिफिकेशनने तिच्या सुखी संसारात वादळ आणलं.

मिळालेल्या माहितीनुसार, एके दिवशी नूरिनच्या पतीच्या फोनवर एक मेसेज आला, ज्याचं नोटिफिकेशन त्याच्या स्मार्टवॉचवर आलं. कुतूहलापोटी नूरिनने जेव्हा तो मेसेज पाहिला, तेव्हा तिच्या पायाखालची जमीनच सरकली. स्मार्टवॉचमध्ये पती आणि दुसऱ्या एका महिलेमध्ये अत्यंत रोमँटिक आणि आक्षेपार्ह चॅटिंग सुरू होतं. मेसेजमध्ये निमनेमचा वापर करण्यात आला होता, ज्यामुळे नूरिनचा संशय खात्रीत बदलला. ज्याच्यावर डोळे झाकून विश्वास ठेवला, त्यानेच विश्वासघात केल्याचं पाहून तिला मोठा धक्का बसला.

नूरिन लोफाने सोशल मीडियावर आपलं दुःख व्यक्त करताना सांगितलं की, ती एक विद्यार्थिनी आहे. हा खुलासा नूरिनसाठी मोठा धक्का होता. तिने सांगितलं की, जेव्हा पतीकडे चांगली नोकरी नव्हती आणि लोक त्याच्यावर टीका करायचे, तेव्हा ती त्याच्या पाठीशी खंबीरपणे उभी राहिली होती. माझा पती 'फूड डिलिव्हरी रायडर' आहे आणि तो कष्टाने कमावून खातो असं नूरिन अभिमानाने सांगायची. पण त्याच पतीने तिचा विश्वासघात केला. व्हायरल व्हिडिओमध्ये नूरिनने त्या मुलीला जाहीर आव्हान दिलं असून तिच्या पालकांपर्यंतही हे पोहोचवलं आहेत.

नूरिनने स्पष्ट केलं आहे की, आता ती गप्प बसणार नाही, कारण तिच्यासोबत तिचा लहान मुलगाही आहे. राग आणि दुःख व्यक्त करत तिने पतीवर कडक शब्दांत टीका केली. पतीच्या दबावामुळे तिने नंतर काही पोस्ट डिलीट केल्या खरं, पण आता हे प्रकरण कायदेशीर वळणावर पोहोचलं असून दोघेही कोर्टात गेले आहेत. नूरिनने सांगितलं की, सध्या घरातील वातावरण थोडं शांत झालं असलं तरी मनातील कडवटपणा संपलेला नाही. तिने आपल्या मुलाचा फोटो शेअर करून त्याची माफी मागितली आणि त्याला वडिलांची उणीव भासू देणार नाही, अशी शपथ घेतली.