लहान मुलं म्हटलं की खट्याळपणा हा आलाच. त्यात कार्टुन बघितल्यावर छोटी मुलं कधी काय करतील हे सांगता येत नाही. एका व्हायरल होणाऱ्या व्हिडीओमध्ये मात्र चिमुकल्याने कार्टुनमधील आपला सुपरहिरो पाहत जे काही केले ते त्याच्या आईवडिलांना चांगलेच महागात पडले आहे.
या व्हिडीओमध्ये हा चिमुकला टीव्हीतील सुपरमॅनची नक्कल करत आहे. नक्कल करताना आपण काय करतोय, याची त्याला कल्पना नाही.हा मुलगा सुपरहिरोसारखी मारामारी करण्याचा करत आहे. यामध्ये त्याने घरातील टीव्ही पूर्ण फोडला आहे. सुरुवातीला या बाळाने टीव्हीवर प्लास्टिकचा स्टूल फेकून मारला आहे. तसेच नंतर घरातील इतर वस्तू टीव्हीवर फेकून मारत आहे.
व्हायरल होत असलेला व्हिडीओ ट्विटरवर @nowthisnews या अकाऊंटवर अपलोड करण्यात आले आहे. व्हिडीओ पाहून नेटकरी पोट धरून हसत आहेत. तसेच काही नेटकऱ्यांनी तर वेगवेगळ्या प्रतिक्रिया दिल्या आहेत. काही लोकांनी या बाळाच्या पालकांना त्याची मस्ती चांगलीच माहागात पडली आहे, अशी कमेंट केली आहे. तर काही लोकांनी या व्हिडीओला अतिशय क्यूट असल्याचे म्हटले आहे.