सोशल मिडियावर तर विविध व्हिडियोंची रांग लागलेली असते. यातील अनेक व्हिडिओ मनोरंजन करणारे असतात. यामध्ये दिर-वहीनी, नणंद-भावजय आदींचे डान्स व्हिडिओ लगेच प्रसिद्ध होतात. लोकांचीही अशाप्रकारच्या व्हिडिओजना विशेष पसंती मिळते. सध्या एका नणंदेचा आणि वहिनीचा डान्स व्हायरल होतोय. इतकं काय भन्नाट आहे या डान्समध्ये जाणून घेऊ...
या व्हिडिओमध्ये तुम्ही पाहु शकता की खाटेवर सासु बसली आहे. इतक्यात नणंद वहिनीला खेचत घेऊन येते. वहिनी लाजत असते पण नणंद हट्ट करुन तिला बाहेर आणतेच. त्यानंतर हरयाणवी गाणं, 'मने जिते जी मारेगी' हे गाणे सुरु होते. सुरुवातील लाजणारी वहिनी हळूहळू नंणदेसोबत गाण्यावर ठुमके लावायला सुरुवात करते. वहिनीने साडी परिधान केलीय तर नणंदेने जीन्स-टीशर्ट पण साडीतही वहिनी अशी काही नाचतेय जशी ती ट्रेन केलेली डान्सर आहे. तिच्यात मुळातच डान्सची कला आहे असं वाटतं. चेहऱ्यावर पदर ओढलेली वहिनी गावंडळ असेल असे सुरुवातीला आपल्याला वाटू शकेल पण जेव्हा ती नाचायला सुरुवात करते तेव्हा ती मॉर्डन नणंदेलाही हरवते.
नणंद आणि वहिनीच्या या डान्स व्हिडिओला युट्युबवर २३ कोटीपेक्षा जास्त जणांनी पाहिला आहे. हा व्हिडिओ जरी जुना असला तरी तो इंटरनेटवर पुन्हा व्हायरल होत आहे अन् नेटकऱ्यांच्या पसंतीस उतरत आहे.