सोशल मीडियावर नेहमीच असे काही विचित्र किंवा आश्चर्यजनक व्हिडीओ व्हायरल होत असतात जे पाहून तुम्ही हैराण होता. यात कधी फक्त प्राण्यांचे व्हिडीओत असतात तर कधी प्राणी आणि मनुष्यांचे व्हिडीओ असतात. सध्या एका व्यक्तीचा एक व्हिडीओ चांगलाच चर्चेत आला आहे. बॉलिवूड अभिनेता विद्युत जामवाल याने हा व्हिडीओ शेअर केला आहे. या व्हिडीओत एक विचित्र प्रकार दाखवण्यात आला आहे. एक व्यक्ती एक साप नाकात घालून तोंडातून बाहेर काढताना या व्हिडीओत दिसत आहे.
या व्हिडीओमध्ये तुम्हाला असं काही बघायला मिळतं जे तुम्ही कधी पाहिलं नसेल. सापाची सर्वांनाच भीती वाटते. तर काहींना अजिबात वाटत नाही. या व्हिडीओत गारूड्याचा खेळ करणाऱ्या व्यक्तीने साप सहजपणे नाकात घातला आणि तोंडातून बाहेर काढला. हा सगळा प्रकार अंगावर काटा आणणारा आहे. कारण असं काही नेहमी बघायला मिळत नाही.
विद्युतने व्हिडीओ शेअर करीत याला कॅप्शनही दिलं आहे. यावर त्याने 'आय लव्ह माय इंडिया' असं लिहिलं आहे.हा व्हिडीओ कुठला आहे हे काही समजू शकलेलं नाही. मात्र, हा व्हिडीओ पाहून अनेकांनी संताप व्यक्त केलाय. तर अनेकांना हा व्हिडीओ आवडला सुद्धा. काही लोकांनी या व्हिडीओवर कमेंट करत लिहिले की, हा मुक्या प्राण्यावर अत्याचार आहे. तर अनेकांनी ही माणुसकीला काळिमा फासणारी घटना असल्याचं म्हटलं आहे.