Viral Video : सोशल मीडिया प्राण्यांचे जंगलातील थक्क करणारे व्हिडीओ नेहमीच व्हायरल होत असतात. असाच एक व्हिडीओ सध्या व्हायरल झाला आहे. ज्यात तीन सिंह आणि एक विशाल गेंडा आहे. दक्षिण अफ्रीकेच्या सॅनबोना अभ्यारण्यात एक सिंह, दोन सिंहीण आणि गेंड्याच्या फाईटचा हा व्हिडीओ आहे. यातील गेंड्याची ताकद पाहून लोक अवाक् झाले आहेत.
सफारी गाइड जॉर्डन डेविडसनने हा व्हिडीओ कॅमेरा कैद केला. व्हिडिओत एक सिंह आणि दोन सिंहीणसोबत एक विशाल गेंडा आहे. सिंह गेंड्याची शिकार करण्याच्या प्रयत्नात आहेत. पण गेंडा इतका शक्तीशाली आहे की, सिंह त्याला घाबरून दूर बसले आहेत.
डेविडसनने सांगितलं की, 'सगळं काही शांत होतं. सिंह बसलेले होते. इतक्यात एक विशाल गेंडा गवत खात खात कॅमेराच्या फ्रेममध्ये आला. गेंडा आणि सिंह समोरा समोर आले'.
गेंड्याच्या लक्षात आलं की, सिंह हल्ला करणार. त्यामुळे त्याने स्वत:ला सुरक्षित करण्यासाठी प्लान केला. संधी दिसताच सिंहीणीने गेंड्यावर हल्ला केला. त्यानंतर सिंहाने गेंड्यावर हल्ला केला. दोन्ही हल्ले गेंड्याने धुडकावून लावले. सिंहाला तर गेंड्याने शिंगावर घेण्याचा प्रयत्न केला. सिंह थोडक्यात बचावला. त्यानंतर सिंह शांत बसले आणि गेंडा तिथून निघून गेला.