Funny Viral Video : सामान्य लग्नांमध्ये नवरदेव घोडीवर बसूनच एन्ट्री घेतात. पण जसजसा काळ बदलत आहे ही परंपराही कमी होताना दिसते. काहीतरी वेगळं करावं म्हणून बरेच लोक वेगवेगळ्या पद्धती लग्न मंडपात येतात. काही लोक कारने येतात तर काही लोक जेसीबीमधून येतात. पण सध्या एक व्हिडीओ व्हायरल झाला असून त्यातील नवरदेवाची एन्ट्री अशी आहे जी बघून तुम्ही लोटपोट होऊन हसाल.
व्हिडीओत एक नवरदेव बाइकवर बसून आला, पण तो बाइक चालवत नव्हता. म्हणजे तो घोड्यावर बसल्यासारखाच दिसत होता. जे बघून लोकही अवाक् झाले आहेत. ज्या पद्धतीने नवरदेवाला मंडपात आणलं गेलं ते पाहून तुम्हीही निशब्द व्हाल.
the_johar_ नावाच्या इन्स्टाग्राम पेजवर हा लग्नातील फनी व्हिडीओ शेअर करण्यात आला आहे. व्हिडीओत तुम्ही बघू शकता की, नवरदेवाची वरात येत आहे. डोक्यावर मुडांवळ्या, डोळ्यांवर गॉगल, पाठीवर तीर ठेवण्याचा बॉक्स, गळ्यात रंगीबेरंगी माळा आणि बाइकची सवारी. अशी ही या नवरदेवाची अजब वरात आहे. यात सगळ्यात मोठं वेगळेपण हे आहे की, नवरदेव बाइकवर बसला आणि वरातीलमधील लोकांनी नवरदेवासह बाइकही उचलून घेतली आहे. त्यात हा नवरदेव विचित्र पोझही देत आहे.
हा व्हिडीओ सोशल मीडियावर तूफान व्हायरल झाला आहे आणि साधारण १ लाखांपेक्षा जास्त लोकांनी याला लाइक केलं आहे. या व्हिडीओवर लोक भरभरून मजेदार कमेंट्स करत आहेत. एका यूजरने लिहिलं की, हे सगळं जर नवरीने पाहिलं तर ती मंडपातून पळून जाईल. दुसऱ्याने लिहिलं की, एरोप्लेन नाही हे आहे एरोस्प्लेंडर. तिसऱ्याने लिहिलं की, असं वाटतं सासऱ्याने डांसिंग बाइक दिली आहे. तर एकाने लिहिलं की, बस्स, हे बघायचं बाकी राहिलं होतं.