Underwear Tattoo Calvin Klein : शहरात राहणाऱ्या लोकांसाठी फॅशन एक महत्वाची गोष्ट असते. बरेच लोक फॅशनसाठी काहीही करतात. काही लोक तर असं काही करतात ज्यावर विश्वासही बसत नाही. बरेच लोक सोशल मीडियावर आकर्षक दिसण्यासाठी नको नको ते करतात. Reddit अशीच एक पोस्ट व्हायरल झाली आहे. जी बघून लोक हैराण झालेत. एका अज्ञात व्यक्तीने रेडिटवर Double22duce हॅंडलवरून एक फोटो शेअर केला आहे.
कंबरेवर अंडरविअरसारखा टॅटू
जसे की, तुम्ही फोटोत बघू शकता की, एका व्यक्तीने त्याच्या कंबरेवर ग्रे कॅल्विन क्लेन अंडरविअर घातलेली दिसत आहे. हॉलिवूडमधील बरेच स्टारही असंच करतात. फक्त इथे फरक इतकाच आहे की, या व्यक्तीने कंबरेवर अंडरविअरचा टॅटू बनवून घेतला आहे.
हा टॅटू इतका परफेक्ट काढला की, तो टॅटू न वाटता खरी अंडरविअरच वाटते. कारण या व्यक्तीने खाली जीन्सही घातली आहे. हा फोटो सोशल मीडियावर व्हायरल झाला आहे.
कॅल्विन क्लेन अंडरविअर इतके लोकप्रिय का?
यूजरने या पोस्टमध्ये केल्विन क्लेन जीन्सच्या 1980 च्या दशकात लोकप्रिय झालेल्या एका जाहिरातीचा रेफरन्स दिला आहे. या जाहिरातीमध्ये प्रसिद्ध अमेरिकन अभिनेत्री ब्रुक शील्ड्स होती. जाहिरातीमध्ये शील्ड्स म्हणाली होती की, "तुम्हाला माहितीये का माझ्या आणि माझ्या केल्विन्सच्या मधे काय येतं? काही नाही". या अंडरविअर ब्रांडमध्ये असं काय आहे की, ती इतकी लोकप्रिय आहे? तर गेल्या 25 वर्षापासून हा ब्रांड बाजारात हिट आहे. हा ब्रांड एक स्टेटस सिंबल बनला आहे.