Viral Video : सोशल मीडियावर लोकांच्या स्टंटचे एकापेक्षा एक खतरनाक व्हिडीओ व्हायरल होत असतात. काही व्हिडीओ असे असतात जे बघून हैराण व्हायला होतं तर काही व्हिडीओ बघून जोरात हसू येतं. असाच एक स्टंटचा व्हिडीओ समोर आला आहे. यात एका तरूणाची आणि तरूणीची अशी हालत झाली की, दोघेही जे झालं ते आयुष्यभर लक्षात ठेवतील. हा व्हिडीओ पाहून लोक त्यांची चांगलीच खिल्ली उडवत आहेत.
स्टंटबाबत लोकांमध्ये आजकाल फारच क्रेज आहे. काही लोक तर असे असतात की, ते संधी मिळताच स्टंट करतात. पण अनेकदा स्टंट करण्याच्या नादात मोठी दुर्घटनाही घडते. तरीही लोक स्टंट करणं काही सोडत नाहीत. व्हिडिओत तुम्ही बघू शकता की, एक तरूण वेगाने बाइक चालवत आहे आणि त्याच्या मागे एक तरूणी बसली आहे. बाइक चालवता चालवता अचानक तो बाइकचं समोर चाक वर उचलतो आणि त्याचा बॅलन्स बिघडतो. त्यानंतर दोघेही रस्त्यावर जोरात पडतात. ते इतके जोरात पडले की, त्यांना भरपूर लागलं असणार.
तुम्ही बघितलं असेलच की, स्टंट करण्याच्या नादात दोघांची काय हालत झाली. हा व्हिडीओ सोशल मीडियावर तूफान व्हायरल झाला आहे. हा व्हिडीओ इन्स्टावर 'dbr.offroad' नावाच्या अकाऊंटवर शेअर करण्यात आला आहे. या व्हिडिओला लाखो व्ह्यूज मिळाले आहे तर हजारो लोकांनी लाइक केलं आहे. लोक यावर अनेक मजेदार कमेंट्सही करत आहेत.