MS Dhoni On Wedding Card: भारताचा माजी कर्णधार महेंद्रसिंग धोनीचे (MS Dhoni) जगभरात प्रचंड चाहते आहेत. धोनीच्या फॅन फॉलोइंगबद्दल आपल्या सर्वांना माहिती आहे, पण अलीकडेच त्याच्या एका चाहत्याने मर्यादा ओलांडल्या. सध्या त्या चाहत्याच्या कृतीची सोशल मीडियावर चर्चा होत आहे.
अलीकडेच धोनीच्या एका चाहत्याने त्याच्या लग्नाच्या कार्डावर स्वतःऐवजी एमएस धोनीचा फोटो लावला. त्याची लग्नपत्रिका व्हायरल होत असून, त्यावर धोनीचा फोटो आणि जर्सी क्रमांकासह नाव छापण्यात आल्याचे दिसत आहे. छत्तीसगडमधील व्यक्तीने ट्विटरवर केलेली ही पोस्ट सध्या व्हायरल होत आहे.
आतापर्यंत आपण लग्नपत्रिकांवर वधू-वरांचे फोटो, लग्नाची वेळ आणि तारीख, नातेवाईकांची नावे पाहत आलो आहेत. पण, या छत्तीसगडच्या रायगड जिल्ह्यातील या व्यक्तीने त्याचा लाडका क्रिकेटर महेंद्रसिंग धोनीचा फोटो लग्नाच्या कार्डावर छापला आहे. धोनीचा फोटो असलेली ही लग्नपत्रिका सध्या इंटरनेटवर चांगलीच व्हायरल होत आहे. धोनीच्या या चाहत्याचे नाव दीपक पटेल आहे. त्याने धोनीला लग्नाचे आमंत्रण देणारे कार्डही पाठवले आहे.