आपल्या देशात टॅलेंटची कमी नाही. कधी कधी तर असं काही टॅलेंट बघायला मिळतं की, आश्चर्याचा धक्का बसतो. म्हणजे आपल्याला विश्वास बसत नाही की, हे असंही करू शकतात. सध्या असाच एक व्हिडीओ सोशल मीडियावर व्हायरल झाला आहे. यात दोन तरूण गाणं गात आहेत. ते रस्त्यावर उभे राहूनच 'महादेवा' हे गाणं गात आहेत. त्यांचं गाणं ऐकून वातावरण पूर्णपणे शिवमय झाल्यासारखं वाटतं. इतकंच काय तर हे गाणं पंतप्रधान नरेंद्र मोदी यांनीही रिट्विट केलंय.
हा व्हिडीओ ट्विटरवर शेअर करण्यात आला आहे. यात दोन तरूण रस्त्यावर उभे राहून महादेवा हे गाणं गात आहेत. त्यांचा आवाज, त्यांची सूर लोकांना फारच आवडले आहेत. एका तरूण डफ वाजवतोय तर दुसरा एक इतर वाद्ययंत्र वाजवत आहे. या व्हिडीओला आतापर्यंत ७१ हजारांपेक्षा जास्त व्ह्यूज मिळाले आहेत. पंतप्रधान मोदी यांनी हे ट्विट रिट्विट करत 'बहुत बढिया' अशी कमेंट केली आहे.
११ मार्चला देशभरात महाशिवरात्री साजरी केली जाणार आहे. अशात महादेवाची गाणी सोशल मीडियावर शेअर केली जात आहे. हा व्हिडीओही त्यानिमित्तानेच शेअर केला. आता हा व्हिडीओ व्हायरल होत आहे. या तरूणांना नक्कीच चांगली संधी मिळेल अशी अपेक्षा.