लॉकडाऊनमुळे लोक घरात बंद आहेत. खेळाडू त्यांच्या रोजच्या सरावासाठी जाऊ शकत नाहीयेत. जिमवाले घरीच वर्कआउट करत आहेत. बाहेर फिरणारे व्हिडीओ पाहून पाहून आपल्या मनाला शांत करत आहेत. मन कुठेना कुठे लावावंच लागणार आहे. अशात रशियातील स्विमर यूलिया एफिमोवाचा एक भन्नाट व्हिडीओ समोर आला आहे. ती विना स्विमिंग पूल घरातच स्विमिंग करत आहे.
यूलियाने एक व्हिडीओ तिच्या इन्स्टाग्राम अकाऊंटवर शेअर केला आहे. यात ती किचनमध्ये स्विमिंग करत आहे. तेही पाण्याशिवाय. ती एका डेस्कवर स्विमिंग करत आहे. तिचे पाय कुणीतरी धरले आहेत आणि ती स्विमिंग करत आहे.
या व्हिडीओत तिने इतरही काही एक्सरसाइज केल्या आहेत. दरम्यान यूलियाने ऑलम्पिकमध्ये दोन सिल्व्हर मेडल जिंकले होते. आता ती घरात बंद असल्याने तिला स्विमिंग पूलवर जाण्याची संधी मिळत नाहीये.
सूचना - हा असा प्रकार तुम्ही घरी अजिबात ट्राय करू नका. यूलिया ही एक ट्रेन्ड स्वीमर आहे. तिला असं करण्याचा सराव आहे. तसेच ती हे सगळं एक्सपर्टच्या सल्ल्याने करते. पण तुम्हाला कोणत्याही सरावाशिवाय असं करणं महागात पडू शकतं.