तसे बिबट्याचे अनेक व्हिडीओ सोशल मीडियात व्हायरल होत असतात. पण सध्या बिबट्याचा एक असा व्हिडीओ व्हिडीओ व्हायरल झालाय जो तुम्ही आधी कधी पाहिला नसेल. यात बिबट्या त्याने शिकार केलेलं हरिण थेट झाडावर घेऊन जाताना दिसत आहे. तेही काही सेकंदात. हा व्हिडीओ पाहून तुम्हाला नक्कीच आश्चर्य वाटेल कारण इतकं वजनी हरिण बिबट्या सहज झाडावर घेऊन जातो.
आयएफएस अधिकारी प्रविण कासवान यांनी हा व्हिडीओ ट्विट केला आहे. त्यांनी याला कॅप्शन दिलं आहे की, 'अविश्वसनीय उडी, बिबट्या हा त्याच्यापेक्षा तिप्पट वजनी शिकार घेऊन झाडावर चढू शकतो'.
हा व्हिडीओ पाहून अनेकजण अवाक् झाले आहेत. कारण असा व्हिडीओ त्यांनी याआधी कधी पाहिला नाही. अनेकजण या व्हिडीओवर एकापेक्षा एक कमेंट करत आहेत.